Almaty qalasyndaǵy «RFMM» KeAQ filialyna jańa direktor taǵaiyndaldy, dep habarlaidy dalanews.kz.
Respýblikalyq fizika-matematika mektebiniń Almaty filialynyń direktory bolyp «Matematika» mamandyǵy boiynsha PhD doktory Almaz Muhambetuly Kýngojin taǵaiyndaldy. Ol buǵan deiin RFMM-da bilim alǵan.
Meiirbek Meiirlan Edigeruly direktor qyzmetindegi jumysyn aiaqtady.
Almaz Kúnǵojin 2018–2023 jyldary mektepti basqarǵan. Ár jyldary RFMM-da muǵalim, matematika páninen olimpiadaǵa daiyndaý boiynsha jattyqtyrýshy, Direktordyń beiindik-eksperimenttik jumys jónindegi orynbasary qyzmetterin atqarǵan. 2023 jyldyń qyrkúieginen bastap «RFMSh» KeAQ Basqarma Tóraǵasynyń Birinshi orynbasary qyzmetin atqardy.
RFMM-de ne bolǵan edi?
2026 jylǵy 12 qazanda Almatydaǵy Balalar qalalyq klinikalyq infektsiialyq aýrýhanasyna jiti ishek infektsiiasynyń belgilerimen oqýshylar túse bastaǵan. Zardap shekkenderdiń barlyǵy mektep internatynda turǵan.
Oqýshylardy tamaqpen qamtamasyz etken Master Food kompaniiasynyń as blogyna júrgizilgen tekserý kezinde birqatar zańbuzýshylyq anyqtaldy. Atap aitqanda, azyq-túlikti saqtaý, daiyn taǵamdardyń táýliktik synamalaryn alý jáne tamaqtandyrýdy uiymdastyrý talaptary saqtalmaǵan.
Osy oqiǵadan keiin Almaty qalasy Bostandyq aýdanynyń politsiia basqarmasy qylmystyq is tirkedi.
Jappai ýlaný dereginen soń mektep ýaqytsha qashyqtan oqytý formatyna kóshirilip, internat pen ashana jumysy toqtatyldy.
22 qazanda Almaty qalasynyń Qoǵamdyq densaýlyq saqtaý basqarmasy 12 qazannan beri aýrýhanaǵa túsken 58 oqýshynyń barlyǵy emdelip, úilerine shyǵarylǵanyn habarlady.
