Qarjy naryǵyn retteý jáne damytý agenttiginiń tóraǵasy Mádina Ábilqasymova Aziia damý bankiniń (ADB) vitse-prezidenti Inmin Iangpen kezdesip, obligatsiialarǵa kepildik berý qoryn qurý múmkindigin talqylady, dep habarlaidy dalanews.kz.
Kezdesýde tabiǵi apattar qaýpin qarjylandyrý salasyndaǵy yntymaqtastyq máseleleri de qaraldy. Tabiǵi apattarǵa daiyndyqty keshendi túrde qamtamasyz etý, turaqtylyqty qarjylandyrý baǵdarlamasyn júzege asyrýǵa qoldaý kórsetý jaiy sóz boldy.
Qazaqstanda qaýipten saqtandyrý júiesin engizý jumysyna Dúniejúzilik bank pen Aziia damý banki belsendi atsalysty. Bul bastama azamattardyń turǵyn úiin saqtandyrýǵa arnalǵan áleýmettik mańyzy bar mindetti júie qalyptastyrýdy kózdeidi.
Sondai-aq, taraptar islamdyq qarjylandyrýdy, kapital jáne obligatsiialar naryǵyn damytý, óńirlik kapital naryǵyn integratsiialaý máselelerin talqylady.
Kezdesý sońynda taraptar obligatsiialarǵa kepildik berý qoryn qurý jáne damytý baǵytyndaǵy yntymaqtastyqtyń mańyzy týraly aitty.
