2026 jylǵy qyrkúiekte shetelden Qazaqstanǵa 12,3 mlrd teńge (27,2 mln dollar) kóleminde aqsha aýdarylǵan. Bul ótken jyldyń sáikes kezeńimen salystyrǵanda 8,1 mlrd teńgege nemese 40 paiyzǵa az, dep habarlaidy dalanews.kz.
Qazaqstanǵa aqsha eń kóp jibergen elder:
AQSh – 2,8 mlrd teńge (6,2 mln dollar);
Túrkiia – 1,7 mlrd teńge (3,7 mln dollar);
Ózbekstan – 1,2 mlrd teńge (2,6 mln dollar).
Al osy kezeńde Qazaqstannan shetelge aqsha aýdarý júieleri arqyly shamamen 34,8 mlrd teńge (77,09 mln dollar) jiberilgen, dep jazady Ranking.kz. Bul ótken jylmen salystyrǵanda 36,8 mlrd teńgege nemese eki esege az.
Qazaqstannan aqsha eń kóp aýdarylǵan elder:
Ózbekstan – 14,6 mlrd teńge (32,3 mln dollar);
Túrkiia – 7,8 mlrd teńge (17,3 mln dollar);
Resei – 3,3 mlrd teńge (7,3 mln dollar).
Aqsha aýdarymdary nege azaidy?
Derekkózdiń málimetinshe, kórsetkishterdiń kúrt tómendeýine Eýropalyq odaqtyń Reseige qarsy 21-sanktsiialar paketi áser etken.
Atap aitqanda, sanktsiialyq tizimge «Zolotaia Korona» tólem júiesiniń operatory ári tólem ortalyǵy sanalatyn «Platejnyi tsentr» RNKO jáne «Mobilnaia karta» kommertsiialyq emes uiymy engizilgen.
Bul shekteýler halyqaralyq aqsha aýdarý arnalarynyń jumysyna áser etken.
