Almatyda taksi salony bylǵanǵany úshin jolaýshyǵa balaǵat sóz aitqan júrgizýshi jeti táýlikke qamaldy, dep habarlaidy dalanews.kz.
Júrgizýshi máseleni sabyrmen sheshýdiń ornyna jolaýshyny balaǵattap, dórekilik tanytqan.
Oqiǵa Almaty qalasynda bolǵan. Áiel adam kólikte balasymen birge otyrǵan. Sapar kezinde búldirshin abaisyzda kólik salonyn bylǵap alǵan. Buǵan 53 jastaǵy júrgizýshi ashýlanyp, jolaýshyǵa til tigize bastaǵan. Kólik toqtaǵannan keiin de er adam syrtqa shyǵyp, balaǵat sózderin jalǵastyrǵan. Áiel bolǵan jaǵdaidy uialy telefonyna túsirip, politsiiaǵa júgingen.
Politsiia qyzmetkerleri júrgizýshiniń áreketine quqyqtyq baǵa berdi. Jinalǵan materialdar sotqa joldandy. Sot sheshimimen er adam jeti táýlikke ákimshilik qamaýǵa alyndy.
