Elordada mas kúide lift esigin tepken turǵyn 5 táýlikke qamaldy, dep habarlaidy dalanews.kz.
Oqiǵa Baýyrjan Momyshuly dańǵylyndaǵy turǵyn úilerdiń birinde bolǵan. Túngi ýaqytta masań kúide bolǵan er adam lift esigin teýip, turǵyndardyń ortaq múlkine zaqym keltirgen.
Politsiia qyzmetkerleri ony anyqtap, ustady. Ol 26 jastaǵy er adam bolyp shyqty. Er adamǵa qoǵamdyq orynda mas kúide júrý, tynyshtyqty buzý jáne usaq buzaqylyq deregi boiynsha tiisti sharalar qabyldandy.
Sot sheshimimen quqyqbuzýshy 5 táýlikke ákimshilik qamaýǵa alyndy. Sonymen qatar, odan keltirilgen materialdyq shyǵyn óndiriledi.
