Aqtóbede kólik politseileri sintetikalyq esirtki taratatyn iri arnanyń jolyn kesti, dep habarlaidy dalanews.kz.
Arnaiy operatsiia barysynda jedel ýákilder 10 keli Alfa-PVP psihotrop zatty tárkilep, iri esirtki dúkenin jabdyqtaý arnasyn buǵattady jáne tutynýshylarǵa myńdaǵan doza jetýine jol bermedi.
Qylmystyq nietti júzege asyrý úshin qaskúnemder jeke úidi jalǵa alyp, keiin ony ólshep-oraý tsehy retinde paidalanǵan. Úi-jaidy tintý barysynda psihotrop zattar salynǵan 5 paket tabyldy.
Tergeý barysynda ustalǵandar kinásin moiyndap, esirtki jasyrylǵan oryn qaida ornalasqanyn aitty. Nátijesinde orman alqabyndaǵy jerden esirtki salynǵan taǵy 10 paket tárkilendi.
"Psihotrop zattardy asa iri mólsherde ótkizý deregi boiynsha QR Qylmystyq kodeksiniń 297-baby 3-bóligine sáikes sotqa deiingi tergep-tekserý amaldary bastaldy. Endi figýranttarǵa múlki tárkilenip, 15 jylǵa deiin bas bostandyǵynan aiyrý jazasy qaýpi tónip tur. Ustalǵandar qamaýǵa alyndy", - dep jazylǵan habarlamada.
