Tanymal telejúrgizýshi ári ánshi Asha Matai "Qazaq arýy – 2026" baiqaýynan keiin áleýmettik jeli qoldanýshylarynyń synyna ushyrady. Bul joly jurtshylyq onyń birneshe jyl buryn túsirilgen beinejazbasyn qaita talqylai bastady, dep habarlaidy dalanews.kz.
Buǵan deiin "Qazaq arýy – 2026" baiqaýynda Asha Matai qatysýshy qyzdarǵa Qazaqstannyń tarihy men saiasatyna qatysty suraqtar qoiǵan. Alaida júrgizýshiniń keibir boijetkenderdiń sózin bólip, olardyń oiyn tolyq jetkizýine múmkindik bermegeni kórermenderdiń narazylyǵyn týǵyzǵan.
Osy jaǵdaidan keiin áleýmettik jelide óner iesiniń burynǵy beinejazbasy qaita tarady. Videoda Asha Mataiǵa "Qazaq handyǵy qai jyly quryldy?" degen suraq qoiylady. Alaida telejúrgizýshi oǵan durys jaýap bere almaǵan.
Jeli qoldanýshylary bul jaǵdaidy "Qazaq arýy" baiqaýyndaǵy oqiǵamen bailanystyryp, júrgizýshiniń ózine de tarihi bilimin tolyqtyrý qajettigin eskertken.
"Qazaq handyǵy 1465-1466 jyldary quryldy, Asha hanym! Sahnadaǵy jas qyzdardy sonsha qinaityndai siz de tarihty qatyryp turǵan joqsyz", – dep jazdy jeli qoldanýshylary.
Pikir bildirýshilerdiń bir bóligi ózgeniń bilim deńgeiin baǵalamas buryn adamnyń ózi de qoiylǵan suraqtarǵa jaýap bere alýy kerek degen kózqarasyn jetkizgen.
