تانىمال تەلەجٷرگٸزۋشٸ ەرٸ ەنشٸ اشا ماتاي "قازاق ارۋى – 2026" بايقاۋىنان كەيٸن ەلەۋمەتتٸك جەلٸ قولدانۋشىلارىنىڭ سىنىنا ۇشىرادى. بۇل جولى جۇرتشىلىق ونىڭ بٸرنەشە جىل بۇرىن تٷسٸرٸلگەن بەينەجازباسىن قايتا تالقىلاي باستادى, دەپ حابارلايدى dalanews.kz.
بۇعان دەيٸن "قازاق ارۋى – 2026" بايقاۋىندا اشا ماتاي قاتىسۋشى قىزدارعا قازاقستاننىڭ تاريحى مەن ساياساتىنا قاتىستى سۇراقتار قويعان. الايدا جٷرگٸزۋشٸنٸڭ كەيبٸر بويجەتكەندەردٸڭ سٶزٸن بٶلٸپ, ولاردىڭ ويىن تولىق جەتكٸزۋٸنە مٷمكٸندٸك بەرمەگەنٸ كٶرەرمەندەردٸڭ نارازىلىعىن تۋعىزعان.
وسى جاعدايدان كەيٸن ەلەۋمەتتٸك جەلٸدە ٶنەر يەسٸنٸڭ بۇرىنعى بەينەجازباسى قايتا تارادى. ۆيدەودا اشا ماتايعا "قازاق حاندىعى قاي جىلى قۇرىلدى?" دەگەن سۇراق قويىلادى. الايدا تەلەجٷرگٸزۋشٸ وعان دۇرىس جاۋاپ بەرە الماعان.
جەلٸ قولدانۋشىلارى بۇل جاعدايدى "قازاق ارۋى" بايقاۋىنداعى وقيعامەن بايلانىستىرىپ, جٷرگٸزۋشٸنٸڭ ٶزٸنە دە تاريحي بٸلٸمٸن تولىقتىرۋ قاجەتتٸگٸن ەسكەرتكەن.
"قازاق حاندىعى 1465-1466 جىلدارى قۇرىلدى, اشا حانىم! ساحناداعى جاس قىزداردى سونشا قينايتىنداي سٸز دە تاريحتى قاتىرىپ تۇرعان جوقسىز", – دەپ جازدى جەلٸ قولدانۋشىلارى.
پٸكٸر بٸلدٸرۋشٸلەردٸڭ بٸر بٶلٸگٸ ٶزگەنٸڭ بٸلٸم دەڭگەيٸن باعالاماس بۇرىن ادامنىڭ ٶزٸ دە قويىلعان سۇراقتارعا جاۋاپ بەرە الۋى كەرەك دەگەن كٶزقاراسىن جەتكٸزگەن.
