قازاقستاندا تاعى بٸر ميللياردەر پايدا بولدى. بۇل تۋرالى پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆ مەلٸمدەدٸ. ول Higgsfield كومپانيياسىنىڭ نەگٸزٸن قالاۋشىلاردىڭ بٸرٸ الەكس ماشرابوۆقا قازاقستان ازاماتتىعىن تابىستاعانىن حابارلادى, دەپ حابارلايدى dalanews.kz.
مينيستردٸڭ ايتۋىنشا, 30 قازاندا مەملەكەت باسشىسى قاسىم-جومارت توقاەۆ الەكس ماشرابوۆقا قازاقستان ازاماتتىعىن بەرۋ تۋرالى جارلىققا قول قويعان. جاسلان مەديەۆ بۇل شەشٸم ەلٸمٸزدە جاساندى ينتەللەكت سالاسىن دامىتۋعا جەنە تالانتتى مامانداردى قولداۋعا باعىتتالعانىن اتاپ ٶتتٸ.
«پرەزيدەنت جاساندى ينتەللەكتٸنٸ دامىتۋعا جەنە تالانتتى مامانداردى قولداۋعا ەرەكشە كٶڭٸل بٶلەدٸ. بولاشاق تەحنولوگييالارىن جاساپ جٷرگەن ادامدار ٶز جوسپارلارىن قازاقستانمەن بايلانىستىرىپ, وسىندا يدەيالارىن جٷزەگە اسىرۋعا مٷمكٸندٸك تاپقانىن قالايمىز», – دەپ جازدى مينيستر.
ول سونداي-اق Higgsfield كومانداسىنا قازاقستاننىڭ جاساندى ينتەللەكت يندۋستريياسىن دامىتۋعا قوسقان ٷلەسٸ ٷشٸن العىس بٸلدٸردٸ. مينيستردٸڭ سٶزٸنشە, كومپانييا ەلەمدٸك نارىقتا سۇرانىسقا يە ەكسپورتتىق ٶنٸم جاساپ, بٷگٸندە ونىڭ قىزمەتٸن 40 ميلليوننان استام ادام پايدالانادى.
«بۇل – ٷلكەن جەتٸستٸك. سٸزدەردٸڭ تابىستارىڭىز جاستارىمىزعا ٷلگٸ بولا الادى. قازاقستاندا جٷرٸپ-اق ەلەمدٸك دەڭگەيدەگٸ تەحنولوگييالاردى جاساپ, جەتەكشٸ كومپانييالارمەن بەسەكەلەسۋگە جەنە حالىقارالىق نارىققا شىعۋعا بولاتىنىن كٶرسەتەدٸ», – دەدٸ جاسلان مەديەۆ.
مينيستر الەكس ماشرابوۆتىڭ قازاقستانعا سەنٸم ارتىپ, ەلٸمٸزدٸڭ ازاماتى بولۋعا شەشٸم قابىلداعانىن دا اتاپ ٶتتٸ. ونىڭ ايتۋىنشا, الداعى ۋاقىتتا تاراپتار جاڭا ٶنٸمدەر ەزٸرلەپ, تالانتتاردى دامىتۋعا جەنە قازاقستاننىڭ تەحنولوگييالىق ەلەۋەتٸن نىعايتۋعا بٸرلەسە كٷش سالماق.
«الەكس, قازاقستان ازاماتتىعىن الۋىڭىزبەن قۇتتىقتايمىن!» – دەپ جازدى مينيستر.
