Armeniia kelesi aptada Ujymdyq qaýipsizdik týraly shart uiymyndaǵy (UQShU) daýys berý quqyǵynan aiyrylýy múmkin. Bul másele uiymnyń aldaǵy otyrysynda qaralýy yqtimal, dep habarlaidy dalanews.kz.
Resei Syrtqy ister ministriniń orynbasary Aleksandr Pankinniń aitýynsha, buǵan Erevannyń eki jyldan astam ýaqyt boiy múshelik jarnany tólemeýi sebep bolýy múmkin. Bul týraly ol TASS agenttigine málimdegen.
«Armeniia eki jyldan astam ýaqyt boiy jarna tólemei keledi. Sondyqtan onyń músheligin ýaqytsha toqtatý, dálirek aitqanda, bereshegi ótelgenge deiin daýys berý quqyǵynan aiyrý máselesi qaralyp, tiisti sheshim qabyldanýy múmkin. Bul – uiym jarǵysynda kózdelgen tehnikalyq rásim», – dedi diplomat.
UQShU Ujymdyq qaýipsizdik keńesiniń kezekti otyrysy 11 qarashada Máskeýde ótedi. Armeniiaǵa qatysty másele sol jiynda qaralýy múmkin.
Aita keteiik, Armeniia 2024 jyldyń aqpanynan beri UQShU qyzmetine qatysýyn toqtatqan. Al 5 qarashada el premer-ministri Nikol Pashinian Armeniianyń uiymǵa degen qyzyǵýshylyǵy joǵalǵanyn málimdedi.
