Qorǵanys ministrliginiń qyzmetin keshendi tekserý jónindegi komissiia aralyq qorytyndyny usyndy, dep habarlaidy dalanews.kz.
Memleket basshysy qurǵan komissiia Qazaqstan Respýblikasy Qorǵanys ministrliginiń qyzmetin keshendi tekserýdiń aralyq qorytyndysyn usyndy.
Tekseris qorǵanys vedomstvosynyń 104 nysanyn qamtydy. Biýdjet qarajatyn paidalaný tiimdiligine aýdit jalǵasyp jatyr.
Komissiia jumysy aiasynda qaýipsizdikti qamtamasyz etýge, áskeri qyzmet ótkerýge tiisti jaǵdai jasaýǵa, azyq-túlikpen jáne kiim-keshekpen jabdyqtaý, meditsinalyq kómek kórsetý sapasyna, sondai-aq, memlekettik múlik saqtalýyna basa nazar aýdarylyp otyr.
"Anyqtalǵan jekelegen quqyqbuzýshylyq derekteri boiynsha sotqa deiingi tergep-tekserý bastaldy. Qazir qylmystyq qýdalaý organdarynyń qaraýynda 37 is bar. Tergeý múddesine bailanysty bul ister jónindegi málimet ázirge jariia etilmeidi. Komissiianyń usynystary Áskeri reforma josparyn iske asyrý barysynda da paidalanylyp jatyr", - dep jazylǵan habarlamada.
Komissiia jumysy biyl qarashada aiaqtalady.
