2027 jylǵy Ulttyq biryńǵai testileýdi (UBT) mektep bitirýshilerinen bólek, buryn mektep bitirgen azamattar da tapsyra alady, dep habarlaidy dalanews.kz.
UTO málimetinshe, UBT-2027 testileýine tirkele alatyndar qatarynda 2027 jylǵy mektep túlekterimen birge, ótken jyldary mektep bitirgen azamattar da bar. Sondai-aq testileýge kolledj túlekteri men shetelde bilim alǵan Qazaqstan azamattary qatysa alady. Budan bólek, qazaq ultynan shyqqan shetel azamattaryna, iaǵni qandastarǵa da UBT tapsyrýǵa múmkindik beriledi.
Testileýge qatysýǵa quqyǵy bar taǵy bir top – shyǵarmashylyq mamandyqtarda oqityn stýdentter. Olar basqa bilim berý baǵyttaryna aqyly negizde aýysýdy josparlasa, UBT tapsyra alady. Mundai múmkindik «Pedagogikalyq ǵylymdar» baǵyty boiynsha aqyly oqýǵa aýysqysy keletin stýdentterge de qarastyrylǵan.
Osylaisha, UBT-2027 tek mektep túlekterine ǵana emes, bilim berý baǵytyn ózgertýdi nemese joǵary oqý ornyna túsý múmkindigin qarastyryp júrgen azamattardyń birneshe sanatyna qoljetimdi bolady.
