2027 جىلعى ۇلتتىق بٸرىڭعاي تەستٸلەۋدٸ (ۇبت) مەكتەپ بٸتٸرۋشٸلەرٸنەن بٶلەك, بۇرىن مەكتەپ بٸتٸرگەن ازاماتتار دا تاپسىرا الادى, دەپ حابارلايدى dalanews.kz.
ۇتو مەلٸمەتٸنشە, ۇبت-2027 تەستٸلەۋٸنە تٸركەلە الاتىندار قاتارىندا 2027 جىلعى مەكتەپ تٷلەكتەرٸمەن بٸرگە, ٶتكەن جىلدارى مەكتەپ بٸتٸرگەن ازاماتتار دا بار. سونداي-اق تەستٸلەۋگە كوللەدج تٷلەكتەرٸ مەن شەتەلدە بٸلٸم العان قازاقستان ازاماتتارى قاتىسا الادى. بۇدان بٶلەك, قازاق ۇلتىنان شىققان شەتەل ازاماتتارىنا, ياعني قانداستارعا دا ۇبت تاپسىرۋعا مٷمكٸندٸك بەرٸلەدٸ.
تەستٸلەۋگە قاتىسۋعا قۇقىعى بار تاعى بٸر توپ – شىعارماشىلىق ماماندىقتاردا وقيتىن ستۋدەنتتەر. ولار باسقا بٸلٸم بەرۋ باعىتتارىنا اقىلى نەگٸزدە اۋىسۋدى جوسپارلاسا, ۇبت تاپسىرا الادى. مۇنداي مٷمكٸندٸك «پەداگوگيكالىق عىلىمدار» باعىتى بويىنشا اقىلى وقۋعا اۋىسقىسى كەلەتٸن ستۋدەنتتەرگە دە قاراستىرىلعان.
وسىلايشا, ۇبت-2027 تەك مەكتەپ تٷلەكتەرٸنە عانا ەمەس, بٸلٸم بەرۋ باعىتىن ٶزگەرتۋدٸ نەمەسە جوعارى وقۋ ورنىنا تٷسۋ مٷمكٸندٸگٸن قاراستىرىپ جٷرگەن ازاماتتاردىڭ بٸرنەشە ساناتىنا قولجەتٸمدٸ بولادى.
