Senimdilik, qaýipsizdik, jailylyq pen basqarý múmkindigi – qazaqstandyqtar kólik tańdaǵanda eskeretin negizgi kriteriiler. Ásirese aýa raiy qubylmaly, jol qashyqtyǵy uzaq ári jol jaǵdaiy ártúrli elde avtokóliktiń kúndelikti paidalanýǵa qanshalyqty qolaily ekeni mańyzdy, dep habarlaidy dalanews.kz.
Kóliktiń dizainy nazar aýdartqanymen, satyp alý týraly sheshimge kóbine praktikalyq sipattamalar áser etedi. Máselen, avtomobildiń qysta ózin qalai ustaityny, qanshalyqty qaýipsiz ekeni jáne júrgizýshige qandai tehnologiialar kómektesetini eskeriledi.
MG avtomobil brendiniń tarihy 1924 jyldan bastalady. Britandyq avtokólik óndirisiniń 102 jyldyq tarihy bar brend alǵashynda sporttyq kólikter shyǵarýmen tanylǵan. Onyń injenerlik tujyrymdamasynyń negizinde dinamika, basqarý múmkindigi jáne kólik júrgizýden lázzat alý qaǵidalary jatyr.
Keiin MG qytailyq SAIC Motor avtomobil kontserniniń quramyna kirdi. Bul britandyq injenerlik tájiribeni zamanaýi tehnologiialarmen, óndiristik múmkindiktermen jáne jańa ázirlemelermen ushtastyrýǵa jol ashty. Qazir brend halyqaralyq naryqta dástúr men innovatsiiany úilestiretin avtomobilder usynady.
Senimdilik: uzaq merzimdi paidalaný kepili
Qazaqstannyń klimaty men jol jaǵdaiy kólik shanaǵy men tehnikalyq bólshekteriniń qorǵalýyna erekshe talap qoiady. MG avtomobilderiniń barlyǵy tolyq myryshtalǵan shanaqpen jabdyqtalyp, zaýytta túbi korroziiaǵa qarsy óńdeýden ótedi.
MG 5 jáne MG ZS modelderinde variatordyń salqyndatý júiesine arnalǵan qosymsha radiator qarastyrylǵan. Ol kólikti paidalaný kezinde temperatýralyq júktemeni azaitýǵa kómektesedi.
Satyp alýshylar úshin taǵy bir mańyzdy faktor – óndirýshiniń resmi kepildigi. MG avtomobilderine 5 jyl nemese 150 myń shaqyrym júris qory kóleminde kepildik beriledi. Óndirýshi sharttaryna sáikes, ol negizgi toraptar men agregattardy, sondai-aq aspa júiesiniń bólshekterin qamtidy. Bul kólikti tek bastapqy baǵasyna qarap emes, uzaq merzimdi paidalaný shyǵyndaryn eskere otyryp tańdaýǵa múmkindik beredi.
Qaýipsizdik: júrgizýshige kómektesetin tehnologiialar
Qalada da, tasjolda da júrgizýshige elektrondy kómekshi júieler qoldaý kórsetedi. MG ZS, MG HS jáne MG RX9 modelderinde jinaqtamasyna qarai MG Pilot júiesi qoljetimdi. Onyń quramyna adaptivti krýiz-baqylaý, jolaqta ustaý kómekshisi, soqyr aimaqtardy baqylaý jáne soqtyǵysý qaýpi týraly eskertý fýnktsiialary kiredi.
Kórý kameralary men turaq datchikteri kólikti qoiý jáne manevr jasaý kezinde kómektesedi. Al ISOFIX bekitkishteri balalarǵa arnalǵan avtokreslolardy ornatýǵa múmkindik beredi. Degenmen elektrondy kómekshi júieler júrgizýshiniń jolǵa nazar aýdarý mindetin almastyrmaidy.
MG brendiniń qaýipsizdik deńgeii Euro NCAP táýelsiz apattyq synaqtarynyń nátijelerimen de rastalady. Brendtiń birqatar modeli synaq qorytyndysy boiynsha eń joǵary – bes juldyzdy baǵa alǵan.
Kez kelgen maýsymdaǵy jailylyq
Qazaqstannyń aýa raiy jaǵdaiynda kóliktiń jylytý jáne salqyndatý júieleri de mańyzdy. Qysta oryndyqtardy, rýl men ainalardy jylytý fýnktsiialary, al jazda tiimdi klimat-baqylaý júiesi qajet.
MG HS jáne MG RX9 modelderinde aldyńǵy oryndyqtardy jeldetý múmkindigi bar. Jeti oryndyq MG RX9 úsh aimaqty klimat-baqylaý júiesimen jabdyqtalǵan.
Uzaq sapar kezinde oryndyqtardyń yńǵailylyǵy, salon keńistigi, dybys oqshaýlaýy jáne smartfondy Apple CarPlay nemese Android Auto arqyly qosý múmkindigi de mańyzdy ról atqarady.
Ártúrli qajettilikke arnalǵan kólikter
Zamanaýi avtomobil iesiniń ómir saltyna sai bolýy kerek. Bireýge kúndelikti qala ishinde júrýge yńǵaily kólik qajet bolsa, endi bireýge otbasymen alys saparǵa shyǵýǵa arnalǵan keń salondy jol talǵamaityn kólik kerek.
MG modelder qatary ártúrli qajettilikterdi eskerýge múmkindik beredi. MG 5 sedany manevr jasaýǵa yńǵaily ári júksalǵyshynyń kólemi 422 litrdi quraidy. MG ZS yqsham ólshemderimen jáne klirensiniń biiktigimen erekshelenedi. MG HS dinamikalyq sipattamalary men keń salonyn usynady. Al jeti oryndyq MG RX9 tolyq jetek júiesimen jabdyqtalǵan jáne otbasylyq saparlarǵa arnalǵan.
Basqarý: ár shaqyrymdaǵy senimdilik
Avtomobil tańdaǵanda salondaǵy jailylyqpen qatar onyń joldaǵy júrisine de nazar aýdarý qajet. Tasjoldaǵy turaqtylyq, júristiń birqalyptylyǵy men basqarýdyń boljamdylyǵy sapar qaýipsizdigi men jailylyǵyna tikelei áser etedi.
MG modelderinde basqarý men jailylyqtyń tepe-teńdigin qamtamasyz etýge baǵyttalǵan eýropalyq shassi baptaýlary qoldanylǵan. Sonymen qatar júrgizý rejimderin tańdaý múmkindigi kóliktiń minezin jol jaǵdaiy men júrgizýshiniń qalaýyna qarai beiimdeýge kómektesedi.
Ómir saltyna sai tańdaý
MG modelder qatary ártúrli suranysqa jaýap beredi. MG 5 sedany kúndelikti saparlarǵa arnalǵan. MG ZS yqsham krossoveri qala ishinde jáne belsendi ómir saltynda paidalanýǵa yńǵaily. MG HS keń salon men zamanaýi tehnologiialardy baǵalaityndarǵa arnalǵan. Al jeti oryndyq, tolyq jetekti MG RX9 otbasylyq saiahattarǵa baǵyttalǵan.
Saiyp kelgende, eń qolaily avtomobil – satyp alǵan kúni ǵana emes, birneshe jyldan keiin de iesiniń qajettiligin ótei alatyn kólik. Muny baǵalaýdyń bir joly – resmi dilerden test-draivtan ótý.
Modelder men jinaqtamalar týraly tolyq aqparatty mg.com.kz saitynan alýǵa bolady. Test-draivqa jazylý nómiri: 3388.
