Aitysker aqyn Nadejda Lýshnikova 86 jasqa qaraǵan shaǵynda ómirden ótti. Qaraly habardy Qazaqstan Jazýshylar odaǵy jetkizdi, dep habarlaidy dalanews.kz.
Nadejda Lýshnikova 1940 jylǵy 22 qarashada Almaty oblysy Qaskeleń aýdany Shamalǵan aýylynda dúniege kelgen. Ol qazaq tilinde bilim alyp, qazaqy ortada ósken. Ómirin ádebiet pen aqyndyq ónerge arnaǵan.
1961 jyly Mánshúk Mámetova atyndaǵy Qyzylorda pedagogikalyq ýchilishesin, al 1969 jyly Abai atyndaǵy Qazaq pedagogikalyq institýtynyń filologiia fakýltetin támamdady.
Lýshnikovanyń shyǵarmashylyq jolynda aitystyń orny erekshe boldy. 1963 jyly Qyzylordada ótken oblystyq aitysqa qatysyp, júldeli orynǵa ie boldy. Onyń shymkenttik aqyn Qaldybek Áliqulovpen aitysy kinotaspaǵa túsirilip, rejisser T.Dúisebaevtyń "Aitys" filmine endi.
Keiingi jyldary da Lýshnikova aqyndar aitysyna qatysýyn jalǵastyrdy. Ol 1965 jáne 1978 jyldary Jambyl aýdanynda, 1977 jáne 1979 jyldary Almaty oblysynda ótken aitystarda óner kórsetip, jeńiske jetti.
