Qazaqstandyq tanymal dizainer, Aida KaumeNOVA sán úiiniń negizin qalaýshy Aida Qaýmenovanyń ákesi Murat Qaýmenov ómirden ótti. Qaraly habardy dizainer áleýmettik jelidegi paraqshasynda jariialady, dep habarlaidy dalanews.kz.
Aida Qaýmenovanyń aitýynsha, ákesi 10 qarasha kúni dúnieden ótken.
Dizainer Instagram paraqshasynda ákesin eske alyp, onyń árdaiym otbasyna qamqor bolyp, balalaryna qoldaý kórsetkenin jazdy.
"Ákem Murat Qaýmenov ómirden ótti. Árdaiym maǵan senim artyp: "Qyzym, ózim ákesiz óstim, sol sebepti árqashan jandaryńda bolamyn, sizderge árdaiym qamqorlyq jasaimyn" dep otyratyn asyl adam edi", – dep jazdy dizainer.
Aida Qaýmenova ákesiniń ózine senim artyp, ómir boiy janynan tabylǵanyn erekshe yqylaspen eske aldy.
Aida Qaýmenova kim?
Aida Qaýmenova – qazaqstandyq belgili dizainer, kásipker jáne Aida KaumeNOVA sán úiiniń negizin qalaýshy. Ol otandyq sán indýstriiasynda ulttyq naqysh pen zamanaýi dizaindy úilestirgen kiim úlgileri arqyly tanylǵan.
Dizainer shyǵarmashylyq jolynda qazaqstandyq tanymal óner adamdaryna sahnalyq kostiýmder ázirlep, «Astana Opera» memlekettik opera jáne balet teatrymen áriptestik ornatqan. Sonymen qatar 2008 jyly Beijińde ótken Olimpiada oiyndaryna qatysqan Qazaqstan quramasynyń sporttyq kiim úlgilerin ázirleýge atsalysqan. Búginde Aida Qaýmenova otandyq sán indýstriiasyn damytý baǵytynda jumys istep keledi.
