6 qarashada Almatydaǵy ál-Farabi atyndaǵy Qazaq ulttyq ýniversitetiniń jataqhanasynan birinshi kýrs stýdenti Janel Qaramysovanyń máiiti tabyldy. Ol jýrnalistika fakýltetinde oqyǵan jáne Almatyǵa Shymkentten kelgen, dep habarlaidy dalanews.kz.
Aldyn ala málimet boiynsha, stýdent ózine qol jumsaǵan bolýy múmkin. Alaida marqumnyń anasy bul boljamǵa senbeitinin aityp, qyzynyń ólimine qatysty barlyq jaǵdaidyń muqiiat tekserilýin talap etti.
Kriminalnyi Kazahstan telegram arnasynyń málimetinshe, anasy Janeldiń denesinde kógergen izder bolǵanyn jetkizgen. Máiithana qyzmetkerleri keibir izderdiń adam qaitys bolǵannan keiin paida bolýy múmkin ekenin túsindirgen. Biraq olardyń naqty neden qalǵany ázirge anyqtalǵan joq.
Qyzdyń telefonyn politsiia tekserý úshin alyp ketken. Qazir oqiǵaǵa bailanysty ártúrli aqparat tarap jatyr. Bireýler stýdent iod ishken bolýy múmkin dese, keibir stýdentter onyń bólmede beldikke asylǵan kúiinde tabylǵanyn aitqan.
Qaiǵyly oqiǵaǵa deiin Janel bólmelesine habarlama jazyp, onyń qashan keletinin suraǵan.
Politsiia stýdenttiń qaitys bolǵanyn rastady. Qazir osy derek boiynsha tergeý júrip jatyr. Marqumnyń anasynyń aitýynsha, saraptama qorytyndysy shamamen bir aidan keiin daiyn bolady.
