Endi qajetti statistikalyq derekterdi alý, óńirler kórsetkishterin salystyrý jáne olardyń serpinin taldaý jasandy intellekt kómegimen júzege asyrylady. QR SJRA Ulttyq statistika biýrosy "Taldaý" jańartylǵan aqparattyq-taldamalyq júiesinde AI TALDAU intellektýaldy kómekshisin iske qosty, dep habarlaidy dalanews.kz.
AI TALDAU-dyń basty ereksheligi – statistikalyq aqparatty dialog formatynda alý múmkindiginde. Paidalanýshylarǵa qajetti kórsetkishterdi kóptegen kesteler men bólimderden óz betinshe izdeýdiń qajeti joq. Qajetti derekterdi alý úshin suraq qoiý jetkilikti.
Mysaly «Pavlodar oblysynda sońǵy bes jylda ortasha jalaqy qalai ózgerdi?» nemese «Qazaqstan óńirleri boiynsha halyq sanyn salystyr» degen suraqtar qoiýǵa bolady. AI TALDAU tiisti kórsetkishterdi taýyp, derekterdi salystyrady, olardyń dinamikasyn kórsetedi jáne negizgi úrdisterdi anyqtaýǵa kómektesedi.
Suraý nátijesi kesteler, grafikter, diagrammalar jáne taldamalyq materialdar túrinde usynylady. Qajet bolǵan jaǵdaida paidalanýshy suraǵyn naqtylap, tolyǵyraq aqparat ala alady.
Intellektýaldy kómekshi qazaq, orys jáne aǵylshyn tilderinde jumys jasaidy. Daiyn materialdardy PDF, Word, PowerPoint jáne Excel formattarynda saqtaýǵa bolady.
AI TALDAU-dy iske qosýmen qatar "Taldaý" júiesiniń ózi de jańartyldy. Júieniń dizainy men navigatsiiasy ózgertilip, derekterdi izdeý jáne taldaý quraldary jetildirildi.
Paidalanýshylarǵa óńirler, kezeńder jáne basqa da taldamalyq parametrler boiynsha egjei-tegjeili statistikalyq aqparat qoljetimdi. Júiede kestelerdi óz betinshe qalyptastyrýǵa, grafikter men diagrammalar qurýǵa, kórsetkishterdi salystyrýǵa jáne nátijelerdi jeke kabinette saqtaýǵa bolady. Sonymen qatar derekterdi odan ári óńdeý jáne taldamalyq júielerde paidalaný úshin mashina oqityn formattarda júkteý múmkindigi qarastyrylǵan.
"AI TALDAU kómegimen birneshe saǵat jumsap izdeitin aqparatty endi birneshe sekýndta alýǵa bolady. Suraq qoisańyz jetkilikti, júie jariialanǵan resmi derekter negizinde jaýap usynady. Men bul jobany ulttyq statistikany damytýdyń perspektivaly baǵyttarynyń biri dep sanaimyn. Biz resmi statistikanyń árbir adamǵa qoljetimdi ári túsinikti bolýyna, al tehnologiialardyń ýaqytty únemdeýge jáne sapaly aqparat negizinde sheshim qabyldaýǵa kómektesýine umtylýymyz kerek", – dep atap ótti Ulttyq statistika biýrosynyń basshysy Maqsat Turlybaev.
Jańartylǵan "Taldaý" júiesi men AI TALDAUintellektýaldy kómekshisi azamattarǵa, kásipkerlerge, jýrnalisterge, zertteýshilerge, taldaýshylarǵa jáne memlekettik organdarǵa arnalǵan.
