Prezident Qasym-Jomart Toqaev elimizdiń áleýmettik-ekonomikalyq jáne qoǵamdyq damýyna eleýli úles qosqan azamattardy memlekettik nagradalarmen marapattaý týraly jarlyqqa qol qoidy, dep habarlaidy dalanews.kz.
Memleket basshysynyń jarlyǵyna sáikes, túrli salada eńbek etip júrgen azamattarǵa ordender, medaldar jáne qurmetti ataqtar berildi.
Marapattalǵandardyń qatarynda til mamandary, ǵalymdar, ustazdar, mádeniet jáne buqaralyq aqparat quraldarynyń ókilderi bar.
Kimder marapattaldy?
"Qazaqstannyń eńbek sińirgen qairatkeri" qurmetti ataǵy Halyqaralyq "Qazaq tili" qoǵamynyń vitse-prezidenti Sherýbai Qurmanbaiulyna berildi.
Al "El birligi" ordenimen Halyqaralyq "Qazaq tili" qoǵamy ortalyq keńesiniń múshesi Saýytbek Abdrahmanov marapattaldy.
"Qurmet" ordenine tórt azamat ie boldy. Olar:
- Eldana Gaberman – Qorǵanys ministrligi Ortalyq ansambliniń solisi;
- Anna Danchenko – Ál-Farabi atyndaǵy Qazaq ulttyq ýniversitetiniń oqytýshysy;
- Jamal Mankeeva – Ahmet Baitursynuly atyndaǵy Til bilimi institýtynyń bas ǵylymi qyzmetkeri;
- Qyzdarhan Rysbergen – Ahmet Baitursynuly atyndaǵy Til bilimi institýtynyń bas ǵylymi qyzmetkeri.
"Eren eńbegi úshin" medalimen elimizdiń bilim jáne qoǵamdyq qyzmet salasynda eńbek etip júrgen tórt azamat marapattaldy. Olardyń qatarynda Soltústik Qazaqstan oblysynyń Qyzyljar aýdanyndaǵy Kýstovoe negizgi mektebiniń muǵalimi Maksim Kýznetsov, Bilim Group kompaniialar tobynyń bas zańgeri Bekzada Ábilqasymov, "Bilim Orda" halyqaralyq qoǵamdyq qorynyń prezidenti Erjan Áýbákirov jáne BMG UpSkill kompaniiasynyń joba jetekshisi Anar Qurmanjan bar.
Sonymen qatar "Shapaǵat" medali tórt azamatqa tabystaldy. Atap aitqanda, Jambyl oblysy Baizaq aýdanyndaǵy Iýrii Gagarin atyndaǵy orta mekteptiń muǵalimi Evgenii Kravchýk, Kókshetaý qalasynyń qazaq tili oqytýshysy Iýliia Lagýtkina, Qostanai TV telearnasynyń redaktory Anel Pimicheva jáne Qostanai oblysynyń mýzykanty ári ánshisi Aleksandr Frolov marapattaldy.
