Prezident Qasym-Jomart Toqaev qazaq tilin damytý elimizdegi basqa tilderdiń qoldanylýyna kedergi keltirmeýi kerek ekenin aitty. Memleket basshysy til máselesin qoǵamda alaýyzdyq týdyrý úshin paidalanatyn azamattarǵa qatysty da pikir bildirdi, dep habarlaidy dalanews.kz.
Halyqaralyq «Qazaq tili» qoǵamynyń X quryltaiynda sóilegen Prezident memlekettik tildiń qoǵamdy biriktirýdegi mańyzyna toqtaldy.
Qasym-Jomart Toqaev Qazaqstan Halyq Keńesiniń birinshi sessiiasynda da el birligin nyǵaitatyn basty faktorlardyń biri memlekettik til ekenin atap ótkenin eske saldy.
Sonymen qatar ol qazaq tiliniń damýyn elimizde qoldanylatyn ózge tilderge qarsy qoiýǵa bolmaitynyn jetkizdi.
«Men Qazaqstan Halyq Keńesiniń birinshi sessiiasynda el birligin bekemdeitin eń mańyzdy faktor – memlekettik til ekenin naqty aittym. Degenmen myna nárseni este ustaǵan abzal: Qazaq tilin damytý – elimizdegi ózge tilderdiń damýyna kedergi keltirý emes. Basqasha aitqanda, ana tilimizdi basqa tilderge qarsy qoiýǵa múldem bolmaidy», – dedi Prezident.
«Arandatýshylardy jaýapkershilikke tartý kerek»
Memleket basshysy til máselesin paidalanyp, qoǵamda janjal týǵyzýǵa árekettenetin adamdardyń is-áreketine de nazar aýdardy.
Onyń aitýynsha, mundai áreketter el ishindegi turaqtylyq pen qoǵamdyq kelisimge qaýip tóndiredi.
«Tilderdi paidalanyp, qoǵamdyq jantalas, janjal jasaǵysy keletin arandatýshylar óte qaýipti istermen ainalysyp júr. Sondyqtan olardy «Zań men tártip» qaǵidasyna sáikes jaýapkershilikke tartý kerek», – dedi Qasym-Jomart Toqaev.
Prezident kez kelgen tilge qurmetpen qaraý qajettigin aityp, bir tildi ekinshisine qarsy qoiýdy qate ustanym dep baǵalady.
«Osy jerde taǵy da qaitalap aitqym keledi: kez kelgen tilge qarsy shyǵý – Jaratqannyń adamǵa bergen nyǵmetine qarsy shyǵýmen birdei. Bir tildi basqa tilge qarsy qoiýǵa bolmaidy. Bul – úlken kúná. Onyń saldaryn óz kózimizben kórip jatyrmyz», – dedi ol.
Qazaq tili birlik pen yntymaqtyń tili bolýy tiis
Memleket basshysy qazaq tiliniń qoǵamdaǵy biriktirýshi rólin kúsheitý qajettigin atap ótti.
Onyń pikirinshe, memlekettik til Qazaqstan halqyn ortaq qundylyqtar tóńiregine toptastyryp qana qoimai, halyqaralyq deńgeide de tartymdy tilge ainalýy kerek.
«Biz qazaq tilin eń aldymen birlik pen yntymaq tili retinde damytýymyz kerek. Ana tilimiz jahan jurtshylyǵyna tartymdy til bolýy kerek», – dedi Prezident.
Qasym-Jomart Toqaev el azamattaryn bir-birine qurmetpen qarap, qoǵamdyq kelisimdi saqtaýǵa shaqyrdy.
Ol halyqtyń tutastyǵy memlekettiń damýy men halyqaralyq bedeli úshin mańyzdy ekenin jetkizdi.
«Birtutas halqymyzdy bólip-jarýǵa múldem bolmaidy. Óz tutastyǵyn saqtai almaǵan halyq basqalarǵa úlgi-ónege kórsete almaidy, basqa elderdiń qurmetine eshqashan ie bolmaidy», – dedi Memleket basshysy.
Sóz sońynda Prezident «Birlik bar jerde tirlik bar» degen halyq danalyǵyn mysalǵa keltirip, ózara syilastyq pen yntymaqty nyǵaitý qajettigin atap ótti.
