Qazaqstan Ulttyq banki basqaratyn qarajattyń shamamen 60 mlrd dollary AQSh-tyń qarjy naryǵyna ornalastyrylǵan. Bul týraly Ulttyq bank tóraǵasy Timýr Súleimenov Vashingtonda ótken Qazaqstan-Amerika biznes dóńgelek ústelinde málimdedi, dep habarlaidy dalanews.kz.
Finmentor.kz málimetinshe, kezdesý 9 qarashada G20 elderiniń iskerlik alańy sanalatyn B20 sammiti aiasynda uiymdastyrylǵan.
Timýr Súleimenovtiń sózinshe, búginde Ulttyq banktiń basqarýyndaǵy aktivterdiń jalpy kólemi shamamen 120 mlrd dollarǵa jetedi. Sonyń teń jartysyna jýyǵy amerikalyq qarjy quraldaryna salynǵan.
Ulttyq bank basshysy Qazaqstannyń AQSh ekonomikasyna baǵyttaǵan jiyntyq investitsiiasy shamamen 77 mlrd dollar ekenin de atap ótti. Qarajattyń basym bóligi baǵaly qaǵazdarǵa tiesili.
Buǵan deiin Ulttyq bank halyqaralyq rezervterdegi altynnyń úlesin 75 paiyzdan tómendetýdi josparlap otyrǵany habarlanǵan edi.
