قازاقستان ۇلتتىق بانكٸ باسقاراتىن قاراجاتتىڭ شامامەن 60 ملرد دوللارى اقش-تىڭ قارجى نارىعىنا ورنالاستىرىلعان. بۇل تۋرالى ۇلتتىق بانك تٶراعاسى تيمۋر سٷلەيمەنوۆ ۆاشينگتوندا ٶتكەن قازاقستان-امەريكا بيزنەس دٶڭگەلەك ٷستەلٸندە مەلٸمدەدٸ, دەپ حابارلايدى dalanews.kz.
Finmentor.kz مەلٸمەتٸنشە, كەزدەسۋ 9 قاراشادا G20 ەلدەرٸنٸڭ ٸسكەرلٸك الاڭى سانالاتىن B20 سامميتٸ اياسىندا ۇيىمداستىرىلعان.
تيمۋر سٷلەيمەنوۆتٸڭ سٶزٸنشە, بٷگٸندە ۇلتتىق بانكتٸڭ باسقارۋىنداعى اكتيۆتەردٸڭ جالپى كٶلەمٸ شامامەن 120 ملرد دوللارعا جەتەدٸ. سونىڭ تەڭ جارتىسىنا جۋىعى امەريكالىق قارجى قۇرالدارىنا سالىنعان.
ۇلتتىق بانك باسشىسى قازاقستاننىڭ اقش ەكونوميكاسىنا باعىتتاعان جيىنتىق ينۆەستيتسيياسى شامامەن 77 ملرد دوللار ەكەنٸن دە اتاپ ٶتتٸ. قاراجاتتىڭ باسىم بٶلٸگٸ باعالى قاعازدارعا تيەسٸلٸ.
بۇعان دەيٸن ۇلتتىق بانك حالىقارالىق رەزەرۆتەردەگٸ التىننىڭ ٷلەسٸن 75 پايىزدان تٶمەندەتۋدٸ جوسپارلاپ وتىرعانى حابارلانعان ەدٸ.
