پرەزيدەنت قاسىم-جومارت توقاەۆ قازاق تٸلٸن دامىتۋ ەلٸمٸزدەگٸ باسقا تٸلدەردٸڭ قولدانىلۋىنا كەدەرگٸ كەلتٸرمەۋٸ كەرەك ەكەنٸن ايتتى. مەملەكەت باسشىسى تٸل مەسەلەسٸن قوعامدا الاۋىزدىق تۋدىرۋ ٷشٸن پايدالاناتىن ازاماتتارعا قاتىستى دا پٸكٸر بٸلدٸردٸ, دەپ حابارلايدى dalanews.kz.
حالىقارالىق «قازاق تٸلٸ» قوعامىنىڭ X قۇرىلتايىندا سٶيلەگەن پرەزيدەنت مەملەكەتتٸك تٸلدٸڭ قوعامدى بٸرٸكتٸرۋدەگٸ ماڭىزىنا توقتالدى.
قاسىم-جومارت توقاەۆ قازاقستان حالىق كەڭەسٸنٸڭ بٸرٸنشٸ سەسسيياسىندا دا ەل بٸرلٸگٸن نىعايتاتىن باستى فاكتورلاردىڭ بٸرٸ مەملەكەتتٸك تٸل ەكەنٸن اتاپ ٶتكەنٸن ەسكە سالدى.
سونىمەن قاتار ول قازاق تٸلٸنٸڭ دامۋىن ەلٸمٸزدە قولدانىلاتىن ٶزگە تٸلدەرگە قارسى قويۋعا بولمايتىنىن جەتكٸزدٸ.
«مەن قازاقستان حالىق كەڭەسٸنٸڭ بٸرٸنشٸ سەسسيياسىندا ەل بٸرلٸگٸن بەكەمدەيتٸن ەڭ ماڭىزدى فاكتور – مەملەكەتتٸك تٸل ەكەنٸن ناقتى ايتتىم. دەگەنمەن مىنا نەرسەنٸ ەستە ۇستاعان ابزال: قازاق تٸلٸن دامىتۋ – ەلٸمٸزدەگٸ ٶزگە تٸلدەردٸڭ دامۋىنا كەدەرگٸ كەلتٸرۋ ەمەس. باسقاشا ايتقاندا, انا تٸلٸمٸزدٸ باسقا تٸلدەرگە قارسى قويۋعا مٷلدەم بولمايدى», – دەدٸ پرەزيدەنت.
«ارانداتۋشىلاردى جاۋاپكەرشٸلٸككە تارتۋ كەرەك»
مەملەكەت باسشىسى تٸل مەسەلەسٸن پايدالانىپ, قوعامدا جانجال تۋعىزۋعا ەرەكەتتەنەتٸن ادامداردىڭ ٸس-ەرەكەتٸنە دە نازار اۋداردى.
ونىڭ ايتۋىنشا, مۇنداي ەرەكەتتەر ەل ٸشٸندەگٸ تۇراقتىلىق پەن قوعامدىق كەلٸسٸمگە قاۋٸپ تٶندٸرەدٸ.
«تٸلدەردٸ پايدالانىپ, قوعامدىق جانتالاس, جانجال جاساعىسى كەلەتٸن ارانداتۋشىلار ٶتە قاۋٸپتٸ ٸستەرمەن اينالىسىپ جٷر. سوندىقتان ولاردى «زاڭ مەن تەرتٸپ» قاعيداسىنا سەيكەس جاۋاپكەرشٸلٸككە تارتۋ كەرەك», – دەدٸ قاسىم-جومارت توقاەۆ.
پرەزيدەنت كەز كەلگەن تٸلگە قۇرمەتپەن قاراۋ قاجەتتٸگٸن ايتىپ, بٸر تٸلدٸ ەكٸنشٸسٸنە قارسى قويۋدى قاتە ۇستانىم دەپ باعالادى.
«وسى جەردە تاعى دا قايتالاپ ايتقىم كەلەدٸ: كەز كەلگەن تٸلگە قارسى شىعۋ – جاراتقاننىڭ ادامعا بەرگەن نىعمەتٸنە قارسى شىعۋمەن بٸردەي. بٸر تٸلدٸ باسقا تٸلگە قارسى قويۋعا بولمايدى. بۇل – ٷلكەن كٷنە. ونىڭ سالدارىن ٶز كٶزٸمٸزبەن كٶرٸپ جاتىرمىز», – دەدٸ ول.
قازاق تٸلٸ بٸرلٸك پەن ىنتىماقتىڭ تٸلٸ بولۋى تيٸس
مەملەكەت باسشىسى قازاق تٸلٸنٸڭ قوعامداعى بٸرٸكتٸرۋشٸ رٶلٸن كٷشەيتۋ قاجەتتٸگٸن اتاپ ٶتتٸ.
ونىڭ پٸكٸرٸنشە, مەملەكەتتٸك تٸل قازاقستان حالقىن ورتاق قۇندىلىقتار تٶڭٸرەگٸنە توپتاستىرىپ قانا قويماي, حالىقارالىق دەڭگەيدە دە تارتىمدى تٸلگە اينالۋى كەرەك.
«بٸز قازاق تٸلٸن ەڭ الدىمەن بٸرلٸك پەن ىنتىماق تٸلٸ رەتٸندە دامىتۋىمىز كەرەك. انا تٸلٸمٸز جاھان جۇرتشىلىعىنا تارتىمدى تٸل بولۋى كەرەك», – دەدٸ پرەزيدەنت.
قاسىم-جومارت توقاەۆ ەل ازاماتتارىن بٸر-بٸرٸنە قۇرمەتپەن قاراپ, قوعامدىق كەلٸسٸمدٸ ساقتاۋعا شاقىردى.
ول حالىقتىڭ تۇتاستىعى مەملەكەتتٸڭ دامۋى مەن حالىقارالىق بەدەلٸ ٷشٸن ماڭىزدى ەكەنٸن جەتكٸزدٸ.
«بٸرتۇتاس حالقىمىزدى بٶلٸپ-جارۋعا مٷلدەم بولمايدى. ٶز تۇتاستىعىن ساقتاي الماعان حالىق باسقالارعا ٷلگٸ-ٶنەگە كٶرسەتە المايدى, باسقا ەلدەردٸڭ قۇرمەتٸنە ەشقاشان يە بولمايدى», – دەدٸ مەملەكەت باسشىسى.
سٶز سوڭىندا پرەزيدەنت «بٸرلٸك بار جەردە تٸرلٸك بار» دەگەن حالىق دانالىعىن مىسالعا كەلتٸرٸپ, ٶزارا سىيلاستىق پەن ىنتىماقتى نىعايتۋ قاجەتتٸگٸن اتاپ ٶتتٸ.
