Qazaq estradasynyń tanymal ánshisi Maqpal Júnisova Athambek Iýldashevtiń ózine kórsetken erekshe qurmetin eske alyp, óner iesine alǵysyn bildirdi, dep habarlaidy dalanews.kz.
Maqpal Júnisova ekeýiniń arasyndaǵy syilastyqtyń burynnan qalyptasqanyn aityp, Athambek Iýldashevtiń ózine jasaǵan jaqsylyqtaryn umytpaǵanyn jetkizdi.
Ánshiniń sózinshe, Athambek Iýldashev bir kezderi onyń kontsertine kelip, kórermenderge gúl taratqan. Bul áreketke kýá bolǵan tyńdarmandar da erekshe yqylasyn bildirgen.
"Kórermenderime kelip gúl taratyp edińiz. Solar «Athambek sizdi qalai jaqsy kóredi» dep tamsanǵan. Biz sizdi qatty syilaimyz. Osy jerge shaqyrtý alǵanda esh oilanbastan baramyn dedim. Bári esimde. Sahnada qolyma kelip altyn braslet taqqanyńyz da esimde", – dedi Maqpal Júnisova.
Óner iesi sahnada ózine altyn bilezik syilaǵan sáttiń de esinde erekshe saqtalǵanyn aitty.
Maqpal Júnisova Athambek Iýldashevtiń shaqyrtýyn esh oilanbastan qabyldaǵanyn aityp, munyń basty sebebi aradaǵy qurmet pen syilastyq ekenin jetkizdi.
Óz kezeginde Athambek Iýldashev te ánshige degen yqylasyn jasyrmady. Ol Maqpal Júnisovanyń shyǵarmashylyǵyn joǵary baǵalaitynyn aityp, onyń ónerine bas ietinin bildirdi.
