Qasym-Jomart Toqaev keibir sózderdiń qisynsyz aýdarmasyna qatysty pikir bildirdi, dep habarlaidy dalanews.kz.
Búgin Memleket basshysy Qasym-Jomart Toqaev Halyqaralyq "Qazaq tili" qoǵamynyń H quryltaiynda sóz sóiledi.
"Tilimiz basqa irgeles elderdiń tilderimen salystyrǵanda áldeqaida taza dep aitsaq, durys bolar. Mysaly, buryn óte sirek paidalanǵan nemese múlde paidalanbaǵan "tujyrymdama, qaǵidat, jospar, syiaqy, shákirtaqy, eńbek ótili, keshendi, ámbebap, júieli, tyńaitqysh, janarmai, kógaldandyrý, bosqyn, qyrǵi-qabaq soǵys, qoqan-loqy, lańkestik, esirtki, bitimgerlik kúshter, mámileger, ǵarysh, zymyran, jahan, ǵalamtor, tikushaq, jasandy sana, paiyz, synyp" siiaqty sózder tilimizde keń qoldanys tapty. Bul – jaqsy dúnie", - dedi Toqaev.
Prezidenttiń pikirinshe, ár jaqsy qubylystyń shegi bolýy kerek.
"Mysaly, "kúisandyq (pianino), qyltima (balkon), sýburqaq (fontan), sebezgi (dýsh), qyryqqabat (kapýsta), únqaǵaz (gazet), jedelsaty (lift), jelkóz (fortochka)" jáne taǵy basqa jasandy sózderdiń qajettiligi ekitalai siiaqty. Sońǵy kezde dinge qatysty kóne sózderimizdiń ornyna arab sózderin jii qoldaný sán bolyp ketti. Munyń da qajettiligine kúmán bar. Jalpy, osynyń bári – óte ózekti máseleler, sondyqtan kásibi ǵalymdar ózderiniń salmaqty pikirlerin ortaǵa salýy qajet", - dedi Toqaev.
Toqaevtyń aitýynsha, til ǵylymyna qatysty ámbebap, bárine qoljetimdi tsifrlyq júie ázirleý mańyzdy.
"Bul mindetti memlekettik deńgeide sapaly oryndaý úshin quramyna kásibi til mamandary, ǵalymdar, sarapshylar men jalpy qoǵam ókilderi kiretin arnaiy jumys tobyn qurǵan jón dep sanaimyn. Jumys tobynyń qyzmetin úilestirý Prezident ákimshiligine júkteledi", - dedi Memleket basshysy.
