AQSh-tyń memlekettik qarjy institýttary US EXIM men DFC ázirge Qazaqstandaǵy volfram ken ornyn igerýge 1,6 milliard dollar bólýden bas tartyp otyr, dep habarlaidy dalanews.kz.
Jobanyń ekonomikalyq tiimdiligine qatysty kúmán men geosaiasi qaýip Vashington ustanymyn qaita qaraýyna sebep bolǵan. AQSh biligi Qazaqstannyń Resei men Qytaidyń ortasynda ornalasqanyn da eskerip otyr.
Jospar boiynsha qarjynyń 900 million dollaryn US EXIM, al 700 million dollaryn DFC bólýi kerek edi. Byltyr eki uiym da jobaǵa qyzyǵýshylyq tanytqan hat bergen. Alaida bul qujattar qarjy mindetti túrde bólinetinine kepildik bermegen.
DFC ókiliniń aitýynsha, korporatsiia qazir bul mámileni belsendi túrde qarastyryp jatqan joq. Joba baǵalaýdyń tórt kezeńiniń birinshisinde tur. Al US EXIM bergen hattyń merzimi tamyzda aiaqtalǵan. Cove Kaz kompaniiasy onyń merzimin uzartýdy suraǵan. Bank bul jaǵdaiǵa qatysty pikir bildirmedi.
Kompaniia ókilderi AQSh sheneýnikteri jobany áli de qoldap otyrǵanyn aitady. Direktorlar keńesiniń tóraǵasy Pini Althaýstyń sózinshe, qarjy bólý týraly resmi ótinish 2027 jyly túpkilikti tehnikalyq-ekonomikalyq negizdeme daiyn bolǵan soń beriledi. Oǵan deiin jobaǵa qaryz qarajaty qajet emes.
