Memleket basshysy Qasym-Jomart Toqaev Halyqaralyq "Qazaq tili" qoǵamynyń H quryltaiynda sóz sóiledi, dep habarlaidy dalanews.kz.
Prezidenttiń pikirinshe, qazaq tili barlyq salada, sonyń ishinde kreativti indýstriia salasynda keń qoldanys taýyp jatyr.
"Ana tilimizde jaryq kórgen kitaptardyń, ánderdiń, filmderdiń naryqtaǵy úlesi ulǵaia tústi. Mysaly, byltyr baspadan shyqqan 6 myńnan astam kitaptyń 70 paiyzy qazaq tilinde basyldy. Al biyl Qazaqstanda túsirilgen 71 filmniń 63-i ana tilimizde jaryqqa shyqty. Aitylǵan derekterdiń bári jurtymyzdyń arasynda qazaq tiline úlken suranys týdyrdy. Bul – óte qýanyshty jait, jaqsy úrdis. Osyndai jumysty kúsheite berýimiz kerek", - dedi Toqaev.
