Astanada turǵyn úidi jalǵa berý kezinde birneshe ret alaiaqtyq jasaǵan áiel qaita sottaldy, dep habarlaidy dalanews.kz.
Buǵan deiin de sottalǵan jáne osyǵan uqsas qylmystar jasaǵany úshin jazasyn óteý merzimi keiinge qalǵan 37 jastaǵy turǵyn Qazaqstannyń ártúrli qalalarynda páter jalǵa berý týraly jalǵan habarlandyrý jariialaǵan.
Ol ózin páterdiń iesi retinde tanystyryp, klientterdi depozit nemese aldyn ala tólem aýdarýǵa kóndirgen. Keiin túsken aqshany óz qajetine jumsaǵan.
Qysqa ýaqyt ishinde onyń alaiaqtyq áreketinen 13 adam zardap shekken. Keltirilgen jalpy shyǵyn kólemi 2,1 mln teńgege jetken.
Sot úkimimen ol kináli dep tanylyp, 7 jylǵa bas bostandyǵynan aiyrý jazasyna kesildi. Kámeletke tolmaǵan balasy bolýyna bailanysty jazany oryndaý merzimi 3 jylǵa keiinge qaldy.
