Qarjylyq monitoring agenttiginiń Abai oblysy boiynsha departamenti prokýratýranyń úilestirýimen Jarma aýdanynda altyndy zańsyz óndirýdi uiymdastyrǵan toptyń áreketin toqtatty, dep habarlaidy dalanews.kz.
Tergeý deregine súiensek, qylmystyq top Jańǵyztóbe kentinen 10 shaqyrym jerde tiisti ruqsatsyz altyn óndirgen. Quramynda altyny bar kendi ashyq ádispen qazyp alyp, arnaiy jabdyqtardyń kómegimen shaiyp otyrǵan.
Aýmaqty tekserý kezinde tereńdigi 15 metrlik karer anyqtaldy. Zańsyz qazyp alynǵan taý jynystarynyń kólemi 12 myń tekshe metrden asqan. Sondai-aq, 4 myń sharshy metrden asa jerdiń qunarly topyraq qabaty búlingen.
Jedel izdestirý sharalary barysynda bul iske qatysy bar toǵyz adam anyqtaldy.
Zańsyz ken óndirilgen jerden kendi shaiýǵa jáne usaqtaýǵa arnalǵan jabdyqtar, quramynda altyny bar jeti qap material, eki metall izdegish qural, eki tiegish jáne bir ekskavator tárkilendi.
Tergeý jalǵasyp jatyr.
