قارجىلىق مونيتورينگ اگەنتتٸگٸنٸڭ اباي وبلىسى بويىنشا دەپارتامەنتٸ پروكۋراتۋرانىڭ ٷيلەستٸرۋٸمەن جارما اۋدانىندا التىندى زاڭسىز ٶندٸرۋدٸ ۇيىمداستىرعان توپتىڭ ەرەكەتٸن توقتاتتى, دەپ حابارلايدى dalanews.kz.
تەرگەۋ دەرەگٸنە سٷيەنسەك, قىلمىستىق توپ جاڭعىزتٶبە كەنتٸنەن 10 شاقىرىم جەردە تيٸستٸ رۇقساتسىز التىن ٶندٸرگەن. قۇرامىندا التىنى بار كەندٸ اشىق ەدٸسپەن قازىپ الىپ, ارنايى جابدىقتاردىڭ كٶمەگٸمەن شايىپ وتىرعان.
اۋماقتى تەكسەرۋ كەزٸندە تەرەڭدٸگٸ 15 مەترلٸك كارەر انىقتالدى. زاڭسىز قازىپ الىنعان تاۋ جىنىستارىنىڭ كٶلەمٸ 12 مىڭ تەكشە مەتردەن اسقان. سونداي-اق, 4 مىڭ شارشى مەتردەن اسا جەردٸڭ قۇنارلى توپىراق قاباتى بٷلٸنگەن.
جەدەل ٸزدەستٸرۋ شارالارى بارىسىندا بۇل ٸسكە قاتىسى بار توعىز ادام انىقتالدى.
زاڭسىز كەن ٶندٸرٸلگەن جەردەن كەندٸ شايۋعا جەنە ۇساقتاۋعا ارنالعان جابدىقتار, قۇرامىندا التىنى بار جەتٸ قاپ ماتەريال, ەكٸ مەتالل ٸزدەگٸش قۇرال, ەكٸ تيەگٸش جەنە بٸر ەكسكاۆاتور تەركٸلەندٸ.
تەرگەۋ جالعاسىپ جاتىر.
