قازاقستاندا ٶرت پەن يٸس تيٸپ ۋلانۋ سالدارىنان كٶز جۇماتىنداردىڭ باسىم بٶلٸگٸ – زەينەتكەرلەر مەن ۋاقىتشا جۇمىس ٸستەمەيتٸن ازاماتتار. بۇل تۋرالى ٷكٸمەت وتىرىسىندا تٶتەنشە جاعدايلار مينيسترٸ مۇرات مۇحانوۆ مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, ٶتكەن جىلعى تالداۋ جىلىتۋ ماۋسىمىندا ٶرتتەردٸڭ 55%-دان استامى تۇرعىن ٷي سەكتورىندا, ونىڭ ٸشٸندە جەكە تۇرعىن ٷيلەردە بولعانىن كٶرسەتكەن.
«ٶرتتٸڭ نەگٸزگٸ سەبەپتەرٸ – ەلەكتر قۇرىلعىلارىن ورناتۋ جەنە پايدالانۋ قاعيدالارىن بۇزۋ, پەشپەن جىلىتۋ جٷيەلەرٸن دۇرىس پايدالانباۋ, سونداي-اق وتتى ابايسىز قولدانۋ. سونىمەن قاتار ٶرت پەن يٸس تيٸپ ۋلانۋ سالدارىنان قازا تاپقانداردىڭ باسىم بٶلٸگٸ زەينەتكەرلەر مەن ۋاقىتشا جۇمىس ٸستەمەيتٸن ازاماتتار», – دەدٸ مۇرات مۇحانوۆ.
وسىعان بايلانىستى «اتا-انانىڭ ٷيٸن تەكسەر» اتتى ارنايى اكتسييا باستالعان. ونىڭ ماقساتى – زەينەتكەرلەردٸڭ ٷيلەرٸندەگٸ ٶرت قاۋپٸن انىقتاپ, قاۋٸپسٸزدٸككە تٶنەتٸن قاتەرلەردٸ جويۋ.
مينيستردٸڭ سٶزٸنشە, ەكٸمدٸكتەر مەن ەرٸكتٸلەر بٸرلەسٸپ, زەينەتكەرلەردٸڭ تۇرعىن ٷيلەرٸنٸڭ قاۋٸپسٸزدٸگٸن قامتاماسىز ەتۋگە باعىتتالعان اتاۋلى كٶمەك كٶرسەتٸپ جاتىر. سونداي-اق تۇرعىنداردىڭ ٶتٸنٸشتەرٸنە جەدەل جاۋاپ بەرۋ ٷشٸن بايلانىس جەلٸسٸ ۇيىمداستىرىلعان.
بۇدان بٶلەك, تۇرعىن ٷي سەكتورىندا تەۋەكەلگە باعدارلانعان پروفيلاكتيكالىق جۇمىستار جٷرگٸزٸلۋدە. بۇل رەتتە ٷيلەردٸ ارالاۋ ولاردىڭ سانىنا قاراي ەمەس, ٶرت شىعۋ قاۋپٸنٸڭ دەڭگەيٸنە بايلانىستى ۇيىمداستىرىلادى.
«قازٸرگٸ ۋاقىتتا وسى ساناتتاعى 93 مىڭنان استام ٷي ەسەپكە الىنعان», – دەپ ناقتىلادى مينيستر.
