ازييا قور نارىقتارى ٶتكەن اپتاداعى تەحنولوگييالىق كومپانييالار اكتسييالارىنىڭ جاپپاي ساتىلىمىنان كەيٸن قايتا قالپىنا كەلە باستادى. دٷيسەنبٸدە بٸرقاتار نەگٸزگٸ بيرجالىق يندەكستەر ٶسٸم كٶرسەتتٸ, دەپ حابارلايدى dalanews.kz.
Reuters اگەنتتٸگٸنٸڭ مەلٸمەتٸنشە, جاپونييانىڭ Nikkei يندەكسٸ 2,5%-عا كٶتەرٸلدٸ. جاپونييا مەن قىتايدى قوسپاعانداعى ازييا-تىنىق مۇحيتى ايماعى اكتسييالارىنىڭ MSCI يندەكسٸ 0,8%-عا ٶستٸ. تايۆاننىڭ نەگٸزگٸ بيرجالىق يندەكسٸ دە شامامەن 2,5%-عا جوعارىلادى.
Associated Press دەرەگٸنە سەيكەس, ٶسٸم ەسٸرەسە تەحنولوگييالىق كومپانييالار شوعىرلانعان نارىقتاردا بايقالدى. تايۆاننىڭ Taiex يندەكسٸ 5,6%-عا كٶتەرٸلٸپ, جارتىلاي ٶتكٸزگٸش ٶندٸرۋشٸ TSMC اكتسييالارى دا سونشا ٶسٸم كٶرسەتتٸ. جاپونييانىڭ Nikkei 225 يندەكسٸ 3,4%-عا, وڭتٷستٸك كورەيانىڭ Kospi يندەكسٸ 1,5%-عا ارتتى.
بۇعان دەيٸن تەحنولوگييالىق كومپانييالار اكتسييالارىنىڭ كٷرت ارزانداۋى ازييا نارىقتارىنا ايتارلىقتاي ەسەر ەتكەن. ٶتكەن اپتادا جاپونييا مەن وڭتٷستٸك كورەيا بيرجالارىنداعى يندەكستەر بٸر كٷندە شامامەن 6%-عا تٶمەندەدٸ. ال تايۆان نارىعى سوڭعى جيىرما جىلداعى ەڭ ٸرٸ اپتالىق قۇلدىراۋلاردىڭ بٸرٸن تٸركەدٸ.
ساتىلىمعا جاساندى ينتەللەكت سالاسىنداعى ينۆەستيتسييالاردىڭ تيٸمدٸلٸگٸنە قاتىستى كٷمەن, جارتىلاي ٶتكٸزگٸشتەرگە سۇرانىستىڭ ٶزگەرۋٸ جەنە اقش-تاعى رەتتەۋ شارالارىنىڭ كٷشەيۋٸ مٷمكٸن دەگەن قاۋٸپ تٷرتكٸ بولعان. ينۆەستورلار جاساندى ينتەللەكتكە ارنالعان دەرەكتەر ورتالىقتارىنىڭ قۇرىلىسى باياۋلاۋى ىقتيمال دەپ الاڭداعان.
اقش-تاعى تەحنولوگييالىق اكتسييالاردىڭ جۇما كٷنگٸ قايتا ٶسۋٸ ازييا نارىقتارىنا دا وڭ ەسەر ەتتٸ. Nasdaq يندەكسٸ 1,1%-عا, S&P 500 يندەكسٸ 0,3%-عا كٶتەرٸلدٸ. Nvidia اكتسييالارى دا الدىڭعى كٷندەردەگٸ قۇلدىراۋدان كەيٸن 2,8%-عا ٶستٸ.
سوعان قاراماستان, ساراپشىلار نارىقتاعى تۇراقتىلىق تولىق قالپىنا كەلدٸ دەپ ايتۋعا ەلٸ ەرتە ەكەنٸن ەسكەرتەدٸ. ينۆەستورلار جاساندى ينتەللەكت سەكتورىنداعى كومپانييالاردىڭ باعاسىن, رەتتەۋ تەۋەكەلدەرٸن جەنە تەحنولوگييالىق ينفراقۇرىلىمعا جۇمسالاتىن شىعىنداردىڭ اۋقىمىن قايتا باعالاپ جاتىر.
