قازاقستانداعى ٸرٸ قۇرىلىس كومپانييالارى كەلەسٸ جىلى باستالۋى جوسپارلانعان «حالىقتىق قۇرىلىس» باعدارلاماسىنا دايىندىقتى باستاپ كەتكەن. نارىقتاعى بٸرقاتار مەردٸگەر قۇرىلىس تەحنيكاسى مەن ٶندٸرٸستٸك قۋاتىن تٷگەندەپ, قوسىمشا جۇمىس كٷشٸن تارتۋ مٷمكٸندٸگٸن قاراستىرىپ جاتىر, دەپ حابارلايدى dalanews.kz.
كەيبٸر قۇرىلىس كومپانييالارىندا ٸشكٸ جينالىستار ٶتكٸزٸلٸپ, قولدا بار تەحنيكا مەن قۇرال-جابدىقتارعا رەۆيزييا جٷرگٸزٸلۋدە. مەردٸگەرلەر الداعى مەملەكەتتٸك تاپسىرىستاردى ورىنداۋ ٷشٸن قانشا جۇمىسشى مەن تەحنيكا قاجەت بولاتىنىن الدىن الا ەسەپتەپ جاتىر.
باسىلىم دەرەككٶزٸنٸڭ ايتۋىنشا, قۇرىلىس سالاسىنداعى كومپانييالاردىڭ كٶڭٸل كٷيٸ كٶتەرٸڭكٸ. الداعى ۋاقىتتا شتات سانىن كٶبەيتۋ جوسپارلانىپ, قوسىمشا جۇمىسشىلارعا دا دايىن بولۋ تۋرالى حابار بەرٸلگەن.
مۇنداي بەلسەندٸلٸكتٸڭ سەبەبٸ – پرەزيدەنت قاسىم-جومارت توقاەۆ جارييالاعان «حالىقتىق قۇرىلىس» باستاماسى. جوسپار بويىنشا, 2029 جىلدىڭ سوڭىنا دەيٸن ۇلتتىق قوردان ينفراقۇرىلىمدى جاڭعىرتۋعا شامامەن 6,5 ترلن تەڭگە باعىتتاۋ كٶزدەلگەن. ونىڭ 1,5 ترلن تەڭگەسٸ 2026 جىلى جەنە 2027 جىلدىڭ العاشقى ەكٸ ايىندا ەلەۋمەتتٸك جوبالاردى ٸسكە قوسۋعا قاراستىرىلۋى مٷمكٸن.
جوبا اياسىندا رەسپۋبليكا بويىنشا 70-كە جۋىق دەنساۋلىق ساقتاۋ نىسانىن سالۋ جوسپارلانىپ وتىر. ولاردىڭ قاتارىندا پەرزەنتحانالار, اۋرۋحانالار, جەدەل مەديتسينالىق جەردەم ستانتسييالارى مەن وڭالتۋ ورتالىقتارى بار.
بۇدان بٶلەك, بٸلٸم بەرۋ, سپورت جەنە مەدەنيەت سالالارىندا 50-گە جۋىق نىسان بوي كٶتەرۋٸ مٷمكٸن. سونداي-اق اۆتوموبيل جولدارى, كٶلٸك ينفراقۇرىلىمى, ينجەنەرلٸك جەلٸلەر, تۇرعىن ٷي-كوممۋنالدىق شارۋاشىلىق, اۋىزسۋ جەنە گازبەن قامتۋ جوبالارىنا باسىمدىق بەرٸلمەك.
ۇلتتىق ستاتيستيكا بيۋروسىنىڭ ناقتىلانعان دەرەگٸنە سەيكەس, 2025 جىلدىڭ تولىق قورىتىندىسى مەن 2026 جىلدىڭ العاشقى توعىز ايىندا قازاقستاندا جالپى قۇنى 18,66 ترلن تەڭگەگە جۋىق قۇرىلىس جۇمىسى ورىندالعان. بۇل ەكٸ جىلدىق ەمەس, 21 ايدىڭ جيىنتىق كٶرسەتكٸشٸ.
ال 2026 جىلدىڭ توعىز ايىنداعى قۇرىلىس جۇمىستارىنىڭ 89%-ىن جەكە قۇرىلىس ۇيىمدارى اتقارعان. شەتەلدٸك كومپانييالاردىڭ ٷلەسٸ 10,3%-دى قۇراسا, مەملەكەتتٸك ۇيىمداردىڭ ٷلەسٸ 0,7% بولعان.
وسىلايشا, مەملەكەت ٸرٸ ينفراقۇرىلىمدىق جوبالارعا قارجى بٶلگەنٸمەن, قۇرىلىس جۇمىستارىنىڭ باسىم بٶلٸگٸن جەكە سەكتور جٷزەگە اسىرادى. ساراپشىلار مەن نارىق قاتىسۋشىلارى ٷشٸن الداعى مەملەكەتتٸك تاپسىرىستار ٸرٸ مەردٸگەرلەر, ورتا جەنە ٶڭٸرلٸك قۇرىلىس كومپانييالارى, سونداي-اق قۇرىلىس ماتەريالدارىن ٶندٸرۋشٸلەر اراسىنداعى بەسەكەنٸ كٷشەيتۋٸ مٷمكٸن.
