قۇرىلتاي دەپۋتاتى اسحات ايماعامبەتوۆ سمارتفون مەن ەلەۋمەتتٸك جەلٸلەرگە تەۋەلدٸلٸكتٸ ازايتۋ ٷشٸن كٷندەلٸكتٸ ەدەتٸن ٶزگەرتكەنٸن ايتتى. ول سوڭعى ۋاقىتتا تەلەفونىن "زەيٸن قويۋ" رەجيمٸنە اۋىستىرىپ, حابارلامالاردى ٷش ساعات سايىن عانا تەكسەرۋگە تىرىساتىنىن جەتكٸزدٸ, دەپ حابارلايدى dalanews.kz.
دەپۋتات ەلەۋمەتتٸك جەلٸدەگٸ پاراقشاسىندا مەسسەندجەرلەردەن ٷزدٸكسٸز كەلەتٸن حابارلامالار ادامنىڭ جۇمىسقا زەيٸن قويۋىنا كەدەرگٸ كەلتٸرەتٸنٸن جازدى. ونىڭ ايتۋىنشا, قازٸر تەلەفونى مەن ساعاتىنا ەلەۋمەتتٸك جەلٸلەردەن جەنە Telegram ارنالارىنان كەلەتٸن ەسكەرتۋلەردٸ ٶشٸرٸپ قويعان.
"سوڭعى كەزدە تەلەفونىمدى "زەيٸن قويۋ" رەجيمٸنە قويىپ, حابارلامالاردى ٷش ساعاتتا بٸر رەت قانا اشىپ كٶرۋگە تىرىسىپ جٷرمٸن. ساعات پەن تەلەفون ەكرانىنا ەلەۋمەتتٸك جەلٸلەر مەن تەلەگرام-ارنالاردان شىعاتىن ەسكەرتۋلەر دە ٶشٸرۋلٸ", – دەپ جازدى اسحات ايماعامبەتوۆ.
ول مەسسەندجەرلەردە كەز كەلگەن مەسەلە ٷشٸن جەكە چات اشۋ ەدەتٸ قالىپتاسقانىن, مۇنىڭ دا ادامنىڭ ۋاقىتىن الاتىنىن اتاپ ٶتتٸ. دەپۋتاتتىڭ سٶزٸنشە, ٷش ساعاتتان كەيٸن تەلەفوندى اشقاندا جٷزدەگەن حابارلاما جينالىپ قالادى. ولاردىڭ اراسىندا نەگە بٸردەن جاۋاپ بەرمەگەنٸن سۇراپ, رەنٸش بٸلدٸرەتٸندەر دە كەزدەسەدٸ.
"بايقاساق, ٷنەمٸ بايلانىستا بولۋدى جاۋاپكەرشٸلٸكتٸڭ بەلگٸسٸ دەپ ساناۋعا ٷيرەنٸپ كەتٸپپٸز. بٸراق كٷنٸ بويى تەلەفونعا تەلمٸرٸپ وتىرۋ مەن تىندىرىمدى جۇمىس ٸستەۋ - ەكەۋٸ ەكٸ بٶلەك نەرسە عوي", – دەدٸ ول.
اسحات ايماعامبەتوۆ ەر حابارلاماعا بٸردەن جاۋاپ بەرۋ مٸندەت ەمەس ەكەنٸن ايتىپ, ادامداردىڭ بٸر-بٸرٸنٸڭ ۋاقىتىن قۇرمەتتەۋٸ ماڭىزدى دەپ ەسەپتەيدٸ. ونىڭ پٸكٸرٸنشە, شۇعىل مەسەلە تۋىنداعان جاعدايدا تەلەفون سوعۋعا بولادى. ال اسا ماڭىزدى ەمەس حابارلامالارعا جاۋاپ الۋ ٷشٸن بٸرنەشە ساعات كٷتۋ قالىپتى جاعدايعا اينالۋى كەرەك.
"مەنٸڭشە, ٶزارا بىلاي كەلٸسٸپ الۋعا بولادى: شارۋا شىنىمەن تىعىز بولسا – قوڭىراۋ شالايىق. ال اسىعىس بولماسا – بٸرنەشە ساعات كٷتە تۇرۋعا ەبدەن بولادى", – دەپ جازدى دەپۋتات.
ول قوعامدا ادامنىڭ دەمالۋ قۇقىعىنا قۇرمەت قالىپتاسا باستاعانىمەن, ەشكٸمگە الاڭداماي جۇمىس ٸستەۋ قۇقىعىنا جەتكٸلٸكتٸ مەن بەرٸلمەيتٸنٸن جەتكٸزدٸ.
"ادامنىڭ دەمالۋ قۇقىعىن قۇرمەتتەۋدٸ ٷيرەندٸك قوي. ال ونىڭ ەشكٸمگە الاڭداماي, تىنىش وتىرىپ جۇمىس ٸستەۋ قۇقىعىنا كەلگەندە ەلٸ دە ازداۋ تٷسٸپ جاتامىز", – دەدٸ اسحات ايماعامبەتوۆ.
