قازاقستاندا جۇمىس بەرۋشٸلەر قىزمەتكەرلەردٸڭ جالاقىسىنان ۇستالاتىن سالىقتار مەن ەلەۋمەتتٸك تٶلەمدەردٸ اۆتوماتتى تٷردە ەسەپتەي الاتىن جاڭا سەرۆيس ٸسكە قوسىلادى, دەپ حابارلايدى dalanews.kz.
قارجى مينيسترٸنٸڭ مٸندەتٸن اتقارۋشى جاڭا سەرۆيستٸ ەنگٸزۋ تۋرالى بۇيرىققا قول قويدى. جوبا جۇمىس بەرۋشٸلەرگە تٶلەمدەردٸ ەسەپتەۋ جەنە اۋدارۋ پروتسەسٸن جەڭٸلدەتۋگە باعىتتالعان.
جاڭا سەرۆيستٸڭ جۇمىس تەرتٸبٸ مىناداي:
جۇمىس بەرۋشٸ «سالىق تٶلەۋشٸنٸڭ كابينەتٸ» ارقىلى قىزمەتكەردٸڭ جسن-ٸ مەن جالاقى مٶلشەرٸن ەنگٸزەدٸ. جٷيە ەڭبەك جەنە حالىقتى ەلەۋمەتتٸك قورعاۋ مينيسترلٸگٸنەن قىزمەتكەردٸڭ ەلەۋمەتتٸك مەرتەبەسٸ تۋرالى مەلٸمەتتەردٸ اۆتوماتتى تٷردە سۇراتادى.
وسى دەرەكتەر نەگٸزٸندە جەكە تابىس سالىعى, مٸندەتتٸ زەينەتاقى جارنالارى, مٸندەتتٸ ەلەۋمەتتٸك مەديتسينالىق ساقتاندىرۋ جارنالارى, ەلەۋمەتتٸك سالىق, جۇمىس بەرۋشٸنٸڭ مٸندەتتٸ زەينەتاقى جارنالارى جەنە باسقا دا تٶلەمدەر ەسەپتەلەدٸ.
سەرۆيس جەكە جەنە جيىنتىق تٶلەم تاپسىرمالارىن قالىپتاستىرىپ, ەلەكتروندىق تسيفرلىق قولتاڭبا ارقىلى ەكٸنشٸ دەڭگەيلٸ بانكتەرگە جٸبەرەدٸ. جۇمىس بەرۋشٸ تٶلەمدەردٸڭ ورىندالۋ بارىسىن دا باقىلاي الادى.
جوبا 2026 جىلعى 1 قازاننان باستاپ تۋىنداعان مٸندەتتەمەلەردٸ قامتيدى. ونىڭ قولدانىلۋ مەرزٸمٸ 31 جەلتوقسانعا دەيٸن بەلگٸلەنگەن. بۇيرىق 17 قاراشادا كٷشٸنە ەنەدٸ. پيلوتتىق جوبا قازاقستاننىڭ بارلىق اۋماعىندا جٷزەگە اسىرىلادى. وعان سالىق اگەنتتەرٸنٸڭ قاتىسۋى ەرٸكتٸ. جۇمىس بەرۋشٸ سەرۆيستٸ پايدالانۋدى كەز كەلگەن ۋاقىتتا توقتاتا الادى.
سونىمەن قاتار ەرەجەلەردە جالاقى مٶلشەرٸن قاتە ەنگٸزۋ, قوسىمشا تٶلەمدەر ەسەپتەۋ نەمەسە بانكتٸڭ تٶلەمدٸ قايتارۋى جاعدايىندا قايتا ەسەپتەۋ مٷمكٸندٸگٸ قاراستىرىلعان. جٷيەدە تەحنيكالىق اقاۋلار تۋىنداعان كەزدە دە ارنايى تەرتٸپ قولدانىلادى.
