الماتى مەتروسىندا ONAY جٷيەسٸ ٸستەن شىعىپ, جولاۋشىلار كەزەكتە تۇرۋعا مەجبٷر بولعان, دەپ حابارلايدى dalanews.kz.
9 قاراشادا تاڭەرتەڭ تۇرعىندار ONAY قوسىمشاسى ارقىلى جولاقى تٶلەي الماعانىنا شاعىمداندى. سالدارىنان بەكەتتەردە ۇزىن-سونار كەزەك پايدا بولىپ, كەيبٸر تۇرعىندار جۇمىس پەن وقۋعا كەشٸككەن.
جولاۋشىلاردىڭ ايتۋىنشا, قوسىمشا دۇرىس جۇمىس ٸستەمەي, تۋرنيكەتتەن ٶتۋگە قاجەت QR كودتى الۋ مٷمكٸن بولماعان. سونىڭ سالدارىنان مەتروعا كٸرەبەرٸستە ادامدار جينالىپ قالعان.
الماتى مەتروپوليتەنٸنٸڭ باسپاسٶز قىزمەتٸ ONAY جٷيەسٸندە اقاۋ بولعانىن راستادى. ۆەدومستۆو مەلٸمەتٸنشە, 9 قاراشادا ساعات 06:30-دان باستاپ مەترونىڭ بارلىق بەكەتٸندە جولاۋشىلار قوسىمشاداعى QR كود ارقىلى جولاقى تٶلەي الماعان.
"ساعات 09:30-دا "وڭاي" جٷيەسٸندەگٸ تەحنيكالىق اقاۋ تولىق جويىلدى. QR كود ارقىلى جولاقى تٶلەۋ مٷمكٸندٸگٸ قايتا قالپىنا كەلتٸرٸلدٸ. جولاۋشىلاردان قولايسىزدىق ٷشٸن كەشٸرٸم سۇرايمىز", – دەپ حابارلادى مەتروپوليتەن ٶكٸلدەرٸ.
سونىمەن قاتار, مەترو ەكٸمشٸلٸگٸ جولاقى تٶلەۋدٸڭ باسقا تەسٸلدەرٸ ەدەتتەگٸدەي جۇمىس ٸستەگەنٸن حابارلادى. جولاۋشىلار تۋرنيكەتتەن كٶلٸك جەنە بانك كارتالارى, Apple Pay, Samsung Pay ارقىلى, سونداي-اق, قاعاز QR بيلەتتەرمەن ٶتە العان.
