Almaty metrosynda ONAY júiesi isten shyǵyp, jolaýshylar kezekte turýǵa májbúr bolǵan, dep habarlaidy dalanews.kz.
9 qarashada tańerteń turǵyndar ONAY qosymshasy arqyly jolaqy tólei almaǵanyna shaǵymdandy. Saldarynan beketterde uzyn-sonar kezek paida bolyp, keibir turǵyndar jumys pen oqýǵa keshikken.
Jolaýshylardyń aitýynsha, qosymsha durys jumys istemei, týrniketten ótýge qajet QR kodty alý múmkin bolmaǵan. Sonyń saldarynan metroǵa kireberiste adamdar jinalyp qalǵan.
Almaty metropoliteniniń baspasóz qyzmeti ONAY júiesinde aqaý bolǵanyn rastady. Vedomstvo málimetinshe, 9 qarashada saǵat 06:30-dan bastap metronyń barlyq beketinde jolaýshylar qosymshadaǵy QR kod arqyly jolaqy tólei almaǵan.
"Saǵat 09:30-da "Ońai" júiesindegi tehnikalyq aqaý tolyq joiyldy. QR kod arqyly jolaqy tóleý múmkindigi qaita qalpyna keltirildi. Jolaýshylardan qolaisyzdyq úshin keshirim suraimyz", – dep habarlady metropoliten ókilderi.
Sonymen qatar, metro ákimshiligi jolaqy tóleýdiń basqa tásilderi ádettegidei jumys istegenin habarlady. Jolaýshylar týrniketten kólik jáne bank kartalary, Apple Pay, Samsung Pay arqyly, sondai-aq, qaǵaz QR bilettermen óte alǵan.
