Aqtaýda tolassyz jaýǵan jańbyrdan keiin sý basqan aýmaqtardy tazartý jumystary jalǵasyp jatyr. Kommýnaldyq qyzmetter bir táýlikte joldar men olarǵa irgeles aýmaqtan 10 myń tekshe metr sýdy soryp shyǵardy, dep habarlaidy dalanews.kz.
Qala ákimdigi málimetinshe, sý sorý jumystaryna 20-ǵa jýyq arnaiy tehnika men 50-ge jýyq kommýnaldyq qyzmetker jumyldyrylǵan. Túngi ýaqytta mamandar sý jinalǵan 11 ýchaskede jumys istedi.
8 qarashada tańerteń jumystar 17 jáne 18A shaǵynaýdandarynyń qiylysynda, "Hazar" bazary mańynda, 29 jáne 29A shaǵynaýdandary arasynda, sondai-aq, 13, 15, 11, 14-shaǵynaýdandar arasyndaǵy aýmaqta jalǵasty.
Kommýnaldyq qyzmetkerler jaýyn-shashynnan keiin kólik qozǵalysy qiyndaǵan joldar men oǵan jaqyn aýmaqtardaǵy sýdy soryp jatyr. Sonymen qatar, qolaisyz aýa raiynan zardap shekken joldar men qala aýmaǵyn retke keltirip jatyr. Jaǵdai jaýapty qyzmetterdiń baqylaýynda.
