Qazaqstanda internet-kazinolardyń zańsyz qyzmetine kómektesken qarjylyq shema anyqtaldy. Qarjylyq monitoring agenttigi (QMA) osy iske qatysty tergeýdi aiaqtady, dep habarlaidy dalanews.kz.
Vedomstvonyń málimetinshe, úsh baqylaýdaǵy kompaniianyń tólem infraqurylymy arqyly sheteldik onlain-kazinolardyń múddesine qarjy operatsiialary júrgizilgen. Olardyń qatarynda Nomadgames, Sultangames, Pinco, Pin-UP, Vavada, Mostbet jáne 1WIN platformalary bar.
Tergeý derekterine sáikes, zańsyz operatsiialardyń jalpy kólemi 191 mlrd teńgege jetken. Al shemaǵa qatysýshylardyń komissiialyq syiaqysy 286 mln teńge dep baǵalanǵan.
Qarjy operatsiialarynyń naqty maqsatyn jasyrý úshin zańdy tulǵalar men jeke kásipkerlerdiń derektemeleri paidalanylǵan. Keibir jaǵdaida olardyń bul áreketten habarsyz bolǵany anyqtalǵan. Sonymen qatar jalǵan kelisimsharttar jasalyp, taýarlar men qyzmetterge aqy tóleý protsesine uqsaityn saittar qurylǵan.
Is boiynsha uiymdastyrýshy qamaýǵa alyndy. Sondai-aq tórt avtokólik pen 103 mln teńge qolma-qol aqshaǵa tyiym salyndy. Qylmystyq is sotqa joldandy.
