قازاقستاندا شاعىن بيزنەس ساناتىنان ورتا بيزنەس دەڭگەيٸنە ٶتەتٸن كەسٸپورىندارعا ارنالعان ارنايى قولداۋ پاكەتٸن ەنگٸزۋ ۇسىنىلدى. بۇل باستاما كەسٸپكەرلەردٸڭ قىزمەت اياسىن كەڭەيتكەن كەزدە مەملەكەتتٸك قولداۋدىڭ جەكەلەگەن تٷرلەرٸنەن ايىرىلىپ قالماۋىنا مٷمكٸندٸك بەرەدٸ, دەپ حابارلايدى dalanews.kz.
قۇرىلتايدا پرەزيدەنت قاسىم-جومارت توقاەۆتىڭ 2026 جىلعى 28 قازانداعى قازاقستان حالقىنا جولداۋىن ٸسكە اسىرۋ مەسەلەلەرٸ بويىنشا ەكونوميكالىق ساياسات, ٶنەركەسٸپ جەنە ەنەرگەتيكا كوميتەتٸنٸڭ كەڭەيتٸلگەن وتىرىسى ٶتٸپ جاتىر. جيىندا شاعىن جەنە ورتا بيزنەستٸ قولداۋ مەن دامىتۋ مەسەلەلەرٸ تالقىلاندى, دەپ جازادى قازاقپارات اگەنتتٸگٸ.
«اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى اسلان قاليعازيننٸڭ ايتۋىنشا, كەسٸپكەرلٸكتٸ دامىتۋدىڭ كەلەسٸ ماڭىزدى كەزەڭٸ – شاعىن بيزنەستەن ورتا بيزنەسكە ٶتۋ.
ونىڭ پٸكٸرٸنشە, تۇراقتى ەرٸ شيكٸزاتتىق ەمەس ەكونوميكانىڭ نەگٸزگٸ تٸرەگٸنە اينالۋى تيٸس كەسٸپورىندار – ورتا بيزنەس ٶكٸلدەرٸ. سەبەبٸ ولار ٶندٸرٸستٸك جابدىقتارعا ينۆەستيتسييا سالىپ, بٸلٸكتٸ ماماندارعا ارنالعان جۇمىس ورىندارىن اشا الادى. سونداي-اق شاعىن جەتكٸزۋشٸلەر مەن ٸرٸ ٶندٸرٸس ورىندارىنىڭ اراسىنداعى بايلانىستى نىعايتادى.
اسلان قاليعازيننٸڭ سٶزٸنشە, مۇنى ينۆەستيتسييالىق كٶرسەتكٸشتەر دە دەلەلدەيدٸ. سوڭعى بەس جىلدا ورتا كەسٸپورىنداردىڭ نەگٸزگٸ كاپيتالعا سالعان ينۆەستيتسيياسى اتاۋلى مەندە 2,6 ەسە ٶسكەن. اتاپ ايتقاندا, 2021 جىلى 1,13 ترلن تەڭگە بولسا, 2025 جىلى 2,95 ترلن تەڭگەگە جەتكەن.
وسى كەزەڭدە ەلدەگٸ جالپى ينۆەستيتسييا كٶلەمٸندەگٸ ورتا بيزنەستٸڭ ٷلەسٸ 8,5 پايىزدان 12,6 پايىزعا دەيٸن ارتقان.
«ورتا كەسٸپورىندار سانى از بولعانىنا قاراماستان, ٶندٸرٸستٸ دامىتۋعا بارعان سايىن كٶبٸرەك قاراجات سالىپ جاتىر», – دەدٸ ول.
سونىمەن قاتار شاعىن جەنە ورتا بيزنەس اراسىنداعى ٶتپەلٸ كەزەڭدە بٸرقاتار كەدەرگٸ بار. ولاردىڭ قاتارىندا سالىق تالاپتارى, ينۆەستيتسييالىق قارجىلاندىرۋدىڭ جەتكٸلٸكسٸزدٸگٸ جەنە مەملەكەتتٸك قولداۋدىڭ كەيبٸر تٷرلەرٸنەن ايىرىلۋ قاۋپٸ بار.
مەسەلەن, كەسٸپورىننىڭ تٷسٸمٸ ٶسكەن جاعدايدا ول ورتا بيزنەس ساناتىنا اۋىسۋى مٷمكٸن. الايدا تابىستىڭ ارتۋى ٶندٸرٸس كٶلەمٸنٸڭ ۇلعايعانىن بٸلدٸرمەيدٸ. بۇعان شيكٸزاتتىڭ نەمەسە دايىن ٶنٸمنٸڭ قىمباتتاۋى دا ەسەر ەتۋٸ مٷمكٸن. سونىڭ سالدارىنان كەسٸپكەر ميكرو جەنە شاعىن بيزنەسكە ارنالعان مەملەكەتتٸك قولداۋ شارالارىنان ايىرىلىپ قالۋ قاۋپٸنە تاپ بولادى.
وسى مەسەلەنٸ شەشۋ ٷشٸن «شاعىن بيزنەستەن ورتا بيزنەسكە ٶتۋ» كەزەڭٸنە ارنالعان ارنايى قولداۋ پاكەتٸن قالىپتاستىرۋ ۇسىنىلدى.
«بٸز شاعىن بيزنەستەن ورتا بيزنەسكە ٶتەتٸن كەسٸپورىندارعا ارنالعان بەيٸمدەۋ تەتٸگٸن ەنگٸزۋدٸ ۇسىنامىز. ونىڭ اياسىندا سالىقتىق ەكٸمشٸلەندٸرۋدٸ جەڭٸلدەتۋ, بۇرىن ماقۇلدانعان مەملەكەتتٸك كٶمەكتٸ كەلٸسٸلگەن مەرزٸمگە دەيٸن ساقتاۋ, ينۆەستيتسييالىق كرەديتتەر بەرۋ جەنە ٶندٸرٸستٸ جاڭعىرتۋعا قولداۋ كٶرسەتۋ قاراستىرىلۋى كەرەك», – دەدٸ اسلان قاليعازين.
بۇدان بٶلەك, «اتامەكەن» ۇلتتىق كەسٸپكەرلەر پالاتاسى شاعىن جەتكٸزۋشٸلەر مەن ٸرٸ تاپسىرىس بەرۋشٸلەر اراسىنداعى ادال ٸسكەرلٸك مەمٸلەلەرگە كەدەرگٸ كەلتٸرەتٸن سالىقتىق شەكتەۋلەردٸ الىپ تاستاۋ قاجەت دەپ سانايدى. وسىعان بايلانىستى جەڭٸلدەتٸلگەن جالپىعا بٸردەي سالىق رەجيمٸن ەنگٸزۋ ۇسىنىلدى. بۇل جٷيە بويىنشا سالىق كٷردەلٸ ەسەپ جٷرگٸزبەي-اق جالپى تٷسٸم مەن جالپى شىعىن اراسىنداعى ايىرماشىلىق نەگٸزٸندە ەسەپتەلۋٸ مٷمكٸن.
سونداي-اق جالپىعا بٸردەي سالىق رەجيمٸندەگٸ كەسٸپورىنداردىڭ وڭايلاتىلعان دەكلاراتسييا نەگٸزٸندەگٸ ارناۋلى سالىق رەجيمٸن قولداناتىن كومپانييالارمەن جاسايتىن مەمٸلەلەرٸ بويىنشا شىعىنداردى شەگەرۋگە تىيىم سالۋدى الىپ تاستاۋ ۇسىنىلدى.
ال وڭايلاتىلعان دەكلاراتسييا نەگٸزٸندەگٸ ارناۋلى سالىق رەجيمٸندە جۇمىس ٸستەيتٸن كەسٸپورىنداردىڭ B2B (بيزنەس پەن بيزنەس اراسىنداعى) وپەراتسييالارى ٷشٸن 8 پايىزدىق مٶلشەرلەمە ەنگٸزٸپ, شەكتٸ دەڭگەيدٸ 300 مىڭ ايلىق ەسەپتٸك كٶرسەتكٸشكە دەيٸن تٶمەندەتۋ ۇسىنىلىپ وتىر.
«مەملەكەت كەسٸپورىنداردىڭ ٶسۋٸنە جاعداي جاساۋى كەرەك. ولاردى شاعىن بيزنەس دەڭگەيٸندە قالۋعا مەجبٷرلەيتٸن سەبەپتەر تۋعىزباۋى تيٸس», – دەدٸ اسلان قاليعازين.
