الماتىدا انتيبيوتيك ەكپەسٸنەن كەيٸن جاعدايى كٷرت ناشارلاعان 14 جاستاعى جاسٶسپٸرٸم قايتىس بولدى. بالا جەتٸ كٷن بويى دەرٸگەرلەر باقىلاۋىندا بولعانىمەن, ونى امان الىپ قالۋ مٷمكٸن بولماعان. قازٸر وقيعاعا قاتىستى قىلمىستىق ٸس قوزعالىپ, تەرگەۋ جٷرٸپ جاتىر, دەپ حابارلايدى dalanews.kz.
مارقۇم ماكسيم سەگٸزٸنشٸ سىنىپتا وقىعان. سپورتپەن اينالىسىپ, سۋرەت سالۋدان قالالىق بايقاۋلاردا جەڭٸسكە جەتكەن. ول بولاشاقتا دەرٸگەر بولۋدى ارمانداپ, اناتومييا مەن بيولوگييانى تەرەڭدەتٸپ وقىعان.
اتا-اناسىنىڭ ايتۋىنشا, تامىز ايىنىڭ باسىندا بالانىڭ ليمفا تٷيٸندەرٸ ۇلعايعان. وسىعان بايلانىستى ولار بٸرنەشە مەديتسينالىق مەكەمەگە جٷگٸنگەن. جاسٶسپٸرٸم انتيبيوتيكتەرمەن جەنە باسقا دا دەرٸلەرمەن ەكٸ رەت ەم قابىلداعانىمەن, جاعدايى جاقسارماعان.
21 قازاندا اتا-اناسى ونى الماتىداعى №37 قالالىق ەمحاناعا اپارعان. دەرٸگەر-ينفەكتسيونيست انتيبيوتيك تاعايىنداپ, ەكپە الدىندا سىناما جاساۋ قاجەتتٸگٸن ەسكەرتكەن. الايدا پرەپاراتتى بۇلشىقەتكە ەنگٸزگەننەن كەيٸن بالانىڭ جاعدايى كٷرت ناشارلاعان.
اناسىنىڭ سٶزٸنشە, جاسٶسپٸرٸمنٸڭ جٷرەگٸ اينىپ, بٷكٸل دەنەسٸ سىرقىراعانىن ايتقان. كەيٸن قۇرىسىپ, ەسٸنەن تانىپ قالعان. مەديتسينا قىزمەتكەرلەرٸ وعان شۇعىل كٶمەك كٶرسەتكەنٸمەن, جاعدايى جاقسارماعان.
كەيٸن بالا بالالارعا شۇعىل مەديتسينالىق كٶمەك كٶرسەتۋ ورتالىعىنا جەتكٸزٸلٸپ, ٶكپەنٸ جاساندى جەلدەتۋ اپپاراتىنا قوسىلعان. دەرٸگەرلەر جەتٸ كٷن بويى ونىڭ ٶمٸرٸ ٷشٸن كٷرەسكەن, الايدا جاسٶسپٸرٸمدٸ امان الىپ قالۋ مٷمكٸن بولمادى.
مارقۇمنىڭ اتا-اناسى بالانىڭ اۋىر اللەرگييالىق رەاكتسيياعا ۇشىراۋى مٷمكٸن ەكەنٸن ايتادى. ولار انتيبيوتيكتٸڭ ناقتى قانداي مٶلشەردە ەگٸلگەنٸن, مەديتسينالىق پروتسەدۋرانىڭ تالاپقا ساي جٷرگٸزٸلگەنٸن جەنە جاعدايى ناشارلاعان سەتتە شۇعىل كٶمەكتٸڭ قانشالىقتى ۋاقىتىلى كٶرسەتٸلگەنٸن تەكسەرۋدٸ تالاپ ەتٸپ وتىر.
سونداي-اق وتباسى مەديتسينالىق قۇجاتتاردا سەيكەسسٸزدٸكتەر بار ەكەنٸن مەلٸمدەدٸ. اتاپ ايتقاندا, اتا-اناسىنىڭ ايتۋىنشا, قۇجاتتا كٶرسەتٸلگەن دەرٸ مٶلشەرٸ مەديتسينا قىزمەتكەرلەرٸ ەكپە الدىندا تالقىلاعان دوزادان ٶزگەشە. بۇعان قوسا, دەرٸ-دەرمەك ەنگٸزۋ جۋرنالىنىڭ كەيبٸر باعاندارى تولتىرىلماعان.
مارقۇمنىڭ ەكەسٸ بۇل جاعداي مەديتسينالىق مەكەمەلەر ٷشٸن ساباق بولىپ, ەمحانالاردا قاۋٸپسٸزدٸك شارالارىن كٷشەيتۋگە ىقپال ەتۋٸ كەرەك ەكەنٸن ايتتى.
الماتى قالاسىنىڭ قوعامدىق دەنساۋلىق ساقتاۋ باسقارماسى وتباسىعا كٶڭٸل ايتىپ, تەكسەرۋ نەتيجەسٸ بويىنشا قوسىمشا اقپارات بەرٸلەتٸنٸن حابارلادى.
الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەكتٸڭ مەلٸمەتٸنشە, اتالعان دەرەك بويىنشا قىلمىستىق ٸس قوزعالعان. قازٸر قاجەتتٸ ساراپتامالار تاعايىندالىپ, وقيعانىڭ بارلىق مەن-جايى انىقتالىپ جاتىر.
