جەتٸسۋ وبلىسىندا زاڭسىز جەر قويناۋىن پايدالانۋ دەرەگٸ انىقتالدى, ول مەملەكەتكە 115 ملن تەڭگەدەن اسا زالال كەلتٸرگەن, دەپ حابارلايدى dalanews.kz.
جەتٸسۋ وبلىسىنىڭ مامانداندىرىلعان تابيعات قورعاۋ پروكۋراتۋراسى رەسپۋبليكالىق ماڭىزى بار الماتى - ٶسكەمەن جولىن كٷردەلٸ جٶندەۋ كەزٸندە تاس پەن توپىراق زاڭسىز ٶندٸرٸلگەنٸن انىقتادى.
مەردٸگەر ۇيىم تيٸستٸ رۇقسات قۇجاتتارىنسىز تاۋ بەتكەيٸنەن تاس پەن توپىراق ٶندٸرٸپ, ولاردى جول قۇرىلىسىنا نەگٸز رەتٸندە پايدالانعان.
الدىن الا ەسەپتەۋ بويىنشا زاڭسىز جەر قويناۋىن پايدالانۋ سالدارىنان مەملەكەتكە كەلتٸرٸلگەن زالال 115 ملن تەڭگەدەن اسقان.
بۇل دەرەك بويىنشا قىلمىستىق ٸس تٸركەلٸپ, سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر. تەرگەۋ بارىسى جەتٸسۋ وبلىسى پروكۋراتۋراسىنىڭ باقىلاۋىندا.
