Jetisý oblysynda zańsyz jer qoinaýyn paidalaný deregi anyqtaldy, ol memleketke 115 mln teńgeden asa zalal keltirgen, dep habarlaidy dalanews.kz.
Jetisý oblysynyń mamandandyrylǵan tabiǵat qorǵaý prokýratýrasy respýblikalyq mańyzy bar Almaty - Óskemen jolyn kúrdeli jóndeý kezinde tas pen topyraq zańsyz óndirilgenin anyqtady.
Merdiger uiym tiisti ruqsat qujattarynsyz taý betkeiinen tas pen topyraq óndirip, olardy jol qurylysyna negiz retinde paidalanǵan.
Aldyn ala esepteý boiynsha zańsyz jer qoinaýyn paidalaný saldarynan memleketke keltirilgen zalal 115 mln teńgeden asqan.
Bul derek boiynsha qylmystyq is tirkelip, sotqa deiingi tergep-tekserý júrgizilip jatyr. Tergeý barysy Jetisý oblysy prokýratýrasynyń baqylaýynda.
