تٷركييانىڭ يزمير پروۆينتسيياسىنداعى مەتاللۋرگييا زاۋىتىندا بولعان جارىلىستان 17 ادام قازا تاۋىپ, تاعى 12 ادام جاراقات الدى. بيلٸك ٶكٸلدەرٸ قۇرباندار سانى ارتۋى مٷمكٸن ەكەنٸن جوققا شىعارمايدى. وقيعا ورنىندا ٸزدەستٸرۋ-قۇتقارۋ جۇمىستارى جالعاسىپ جاتىر, دەپ حابارلايدى dalanews.kz.
TNT Haber مەلٸمەتٸنشە, قايعىلى وقيعا يزمير پروۆينتسيياسىنىڭ الياگا اۋدانىنداعى مەتاللۋرگييالىق كەسٸپورىندا بولعان. قاتتى جارىلىستان كەيٸن زاۋىت اۋماعىندا ٶرت شىعىپ, اسپانعا قويۋ تٷتٸن كٶتەرٸلگەن. جارىلىستىڭ كٷشتٸ بولعانى سونشالىق, ماڭايداعى تۇرعىندار اراسىندا ٷرەي تۋعىزعان. وقيعا ورنىنا ٶرت سٶندٸرۋشٸلەر, مەديتسينا قىزمەتكەرلەرٸ, پوليتسييا مەن قۇتقارۋ قىزمەتٸنٸڭ ماماندارى جٸبەرٸلگەن.
قازٸر تٶتەنشە جاعدايلاردىڭ الدىن الۋ جەنە سالدارىن جويۋ باسقارماسىنىڭ (AFAD), ٶرت سٶندٸرۋ قىزمەتٸ مەن پوليتسييانىڭ ٸزدەستٸرۋ-قۇتقارۋ توپتارى جۇمىس ٸستەپ جاتىر. جاراقات العانداردىڭ بٸرٸن سانيتارلىق تٸكۇشاقپەن يزمير قالالىق اۋرۋحاناسىنا جەتكٸزگەن. ونىڭ جاعدايى اۋىر دەپ باعالانىپ وتىر.
قالعان زارداپ شەككەندەرگە وقيعا ورنىندا العاشقى مەديتسينالىق كٶمەك كٶرسەتٸلگەن. كەيٸن جەدەل جەردەم كٶلٸكتەرٸ ولاردى الياگا اۋدانىنداعى جاقىن ماڭداعى اۋرۋحانالارعا جەتكٸزگەن.
