Túrkiianyń Izmir provintsiiasyndaǵy metallýrgiia zaýytynda bolǵan jarylystan 17 adam qaza taýyp, taǵy 12 adam jaraqat aldy. Bilik ókilderi qurbandar sany artýy múmkin ekenin joqqa shyǵarmaidy. Oqiǵa ornynda izdestirý-qutqarý jumystary jalǵasyp jatyr, dep habarlaidy dalanews.kz.
TNT Haber málimetinshe, qaiǵyly oqiǵa Izmir provintsiiasynyń Aliaga aýdanyndaǵy metallýrgiialyq kásiporynda bolǵan. Qatty jarylystan keiin zaýyt aýmaǵynda órt shyǵyp, aspanǵa qoiý tútin kóterilgen. Jarylystyń kúshti bolǵany sonshalyq, mańaidaǵy turǵyndar arasynda úrei týǵyzǵan. Oqiǵa ornyna órt sóndirýshiler, meditsina qyzmetkerleri, politsiia men qutqarý qyzmetiniń mamandary jiberilgen.
Qazir Tótenshe jaǵdailardyń aldyn alý jáne saldaryn joiý basqarmasynyń (AFAD), órt sóndirý qyzmeti men politsiianyń izdestirý-qutqarý toptary jumys istep jatyr. Jaraqat alǵandardyń birin sanitarlyq tikushaqpen Izmir qalalyq aýrýhanasyna jetkizgen. Onyń jaǵdaiy aýyr dep baǵalanyp otyr.
Qalǵan zardap shekkenderge oqiǵa ornynda alǵashqy meditsinalyq kómek kórsetilgen. Keiin jedel járdem kólikteri olardy Aliaga aýdanyndaǵy jaqyn mańdaǵy aýrýhanalarǵa jetkizgen.
