Premer-ministr Oljas Bektenov tabys tabý úshin elordaǵa kelgen azamattar jii qonystanatyn arzan jaldamaly úilerdi tekserýdi kúsheitýdi tapsyrdy, dep habarlaidy dalanews.kz.
Úkimet basshysynyń aitýynsha, mundai baspanalardyń turmystyq jaǵdaiy kóbine talapqa sai kelmeidi. Keibir nysan tipti apatty jaǵdaida bolýy múmkin.
"Tek elordanyń ózinde osyndai 860 nysan esepke alynǵan. Ótken qysta olardyń aýmaǵynda 30-ǵa jýyq órt boldy", – dedi Oljas Bektenov.
Órttiń negizgi sebepteri qatarynda elektr jelilerindegi qysqa tuiyqtalý, otty abaisyz paidalaný jáne qaýipsizdik talaptaryn saqtamaý bar.
Osyǵan bailanysty ákimdikterge Ishki ister jáne Tótenshe jaǵdailar ministrlikterimen birlesip, mundai baspanalardy erekshe baqylaýǵa alý tapsyryldy. Jaýapty organdar turaqty reid júrgizip, órt qaýpin der kezinde anyqtap, zańbuzýshylyqtardy jedel joiýǵa tiis.
