Qazaqstan ekonomikasynyń 10 aidaǵy ósimi 4,5% boldy, dep habarlaidy dalanews.kz.
2026 jylǵy qańtar-qazanda Qazaqstannyń JIÓ-niń naqty ósimi - 4,5%. Bul 9 aidaǵy kórsetkishpen salystyrǵanda 0,3 paiyz tarmaqqa joǵary.
Ekonomikalyq ósimge negizinen shikizattyq emes sektor úles qosty. Aldyn ala baǵalaý boiynsha bul sektor 5,6%-ǵa ósken. Ónerkásiptik óndiris kólemi 3,5%-ǵa ósti. Bul rette óńdeýshi sektordyń ósý qarqyny on aida 9,3%-ǵa deiin artty.
Óńdeý sektoryndaǵy eń joǵary ósý qarqyny mashina jasaýda (22,2%), farmatsevtikada (50,9%), daiyn metall buiymdaryn óndirýde (30,4%), himiia ónerkásibinde (21,9%), rezeńke jáne plastmassa buiymdaryn óndirýde (18,1%), tamaq ónimderinde (13%), qurylys materialdarynda (5,4%) baiqalady.
Qurylys salasynda ósim 13,1%, kólik jáne qoimada 7,5%, saýdada 6,2%, aýyl sharýashylyǵynda 5,2%, bailanys salasynda 4,9% boldy.
