قازاقستاندا 350 مىڭعا جۋىق تۇرمىستىق گاز باللونى 40-50 جىلدان بەرٸ پايدالانىلىپ كەلەدٸ. ولاردى شۇعىل اۋىستىرۋ قاجەت. بۇل تۋرالى تٶتەنشە جاعدايلار مينيسترلٸگٸنٸڭ جىلىتۋ ماۋسىمىنداعى ٶرت قاۋٸپسٸزدٸگٸنە قاتىستى بايانداماسىندا ايتىلدى, دەپ حابارلايدى dalanews.kz.
مينيسترلٸك مەلٸمەتٸنشە, جىلىتۋ ماۋسىمى باستالعاننان بەرٸ تۇرعىن ٷي سەكتورىنداعى ٶرت سانى 12%-عا تٶمەندەگەن. دەگەنمەن بۇل كٶرسەتكٸش قاۋٸپسٸزدٸك شارالارىن ەلسٸرەتۋگە نەگٸز بولماۋى كەرەك.
ٶرتتٸڭ نەگٸزگٸ سەبەپتەرٸ – اقاۋى بار پەشتەردٸ پايدالانۋ, مۇرجالاردى ۋاقتىلى تازالاماۋ, ەلەكتر سىمدارىنىڭ توزۋى جەنە ەلەكتر مەن گاز جەلٸلەرٸنە رۇقساتسىز قوسىلۋ. وسىعان بايلانىستى تۇرعىندارعا قاۋٸپسٸزدٸك تالاپتارىن ساقتاۋ قاجەتتٸگٸ تٷسٸندٸرٸلٸپ, پروفيلاكتيكالىق جۇمىستار جٷرگٸزٸلٸپ جاتىر.
ەسٸرەسە حالىقتىڭ ەلەۋمەتتٸك وسال توپتارىنا جاتاتىن وتباسىلاردىڭ ٷيلەرٸندەگٸ قاۋٸپسٸزدٸك مەسەلەسٸنە ەرەكشە نازار اۋدارۋ قاجەت. ولاردىڭ باسپانالارىنا ٶرت تۋرالى حابار بەرەتٸن داتچيكتەر ورناتۋ جۇمىستارى تٷركٸستان, باتىس قازاقستان, ماڭعىستاۋ, جامبىل, قاراعاندى وبلىستارى مەن شىمكەنت قالاسىندا تيٸستٸ دەڭگەيدە جٷرگٸزٸلمەي وتىر.
وسىعان بايلانىستى ەكٸمدٸكتەرگە بٸر اپتا ٸشٸندە ەلەۋمەتتٸك وسال ساناتتاعى وتباسىلاردىڭ تٸزٸمٸن ناقتىلاپ, ٷيلەردٸ ارالاۋ جۇمىستارىن جٷرگٸزۋ, انىقتالعان كەمشٸلٸكتەردٸ جويۋ جەنە داتچيكتەردٸ ساتىپ الۋ مەن ورناتۋدى قارجىلاندىرۋ تاپسىرىلدى.
بۇدان بٶلەك, تۇرمىستىق گاز باللوندارىنىڭ قاۋٸپسٸزدٸگٸ ٶزەكتٸ مەسەلە بولىپ وتىر. مينيسترلٸكتٸڭ دەرەگٸنشە, ەلٸمٸزدە شامامەن 350 مىڭ گاز باللونى 40-50 جىلدان بەرٸ پايدالانىلىپ كەلەدٸ. ٶتكەن جىلىتۋ ماۋسىمىندا گاز باللوندارىنىڭ جارىلۋىنا بايلانىستى جەتٸ وقيعا تٸركەلگەن.
قازٸر كٶكشەتاۋدا گاز باللوندارىن شىعاراتىن زاۋىت ٸسكە قوسىلعان. اتىراۋ مەن الماتى قالالارىندا دا وسىنداي ٶندٸرٸس ورىندارىن اشۋ جوسپارلانىپ وتىر. ەنەرگەتيكا مينيسترلٸگٸنە بٸر اي ٸشٸندە ەسكٸ باللونداردى اۋىستىرۋ, پايدالانۋدان شىعارۋ جەنە ولاردىڭ اينالىمىن باقىلاۋ تەتٸگٸن ەزٸرلەۋ تاپسىرىلدى.
استانادا ارزان باسپانا رەتٸندە جالعا بەرٸلەتٸن 860 نىسان ٶرت قاۋپٸ بار نىساندار تٸزٸمٸنە ەنگٸزٸلگەن. ٶتكەن قىسقى كەزەڭدە بۇل نىسانداردا 30-عا جۋىق ٶرت بولعان. وسىعان بايلانىستى ەكٸمدٸك, پوليتسييا جەنە تٶتەنشە جاعدايلار قىزمەتتەرٸ اتالعان نىسانداردى تۇراقتى تەكسەرٸپ وتىرۋى قاجەت.
مينيسترلٸك گازبەن جىلىتىلاتىن ٷيلەردە گازدىڭ تارالۋىن انىقتايتىن داتچيكتەر ورناتۋ, سونداي-اق سەرتيفيكاتتالعان قازاندىقتار مەن جابدىقتاردى پايدالانۋ قاجەتتٸگٸن ەسكەرتتٸ.
ٶرت قاۋٸپسٸزدٸگٸ ايلىعى قاراشا ايىنىڭ سوڭىنا دەيٸن جالعاسادى. ونىڭ اياسىندا جاتاقحانالار, حوستەلدەر, بٸلٸم بەرۋ ۇيىمدارى مەن ادامدار كٶپ جينالاتىن نىساندارعا باسىمدىق بەرٸلەدٸ. مەدەنيەت جەنە اقپارات مينيسترلٸگٸنە بۇقارالىق اقپارات قۇرالدارى مەن ەلەۋمەتتٸك جەلٸلەر ارقىلى ٶرتتٸڭ الدىن الۋ جٶنٸندەگٸ تٷسٸندٸرۋ ماتەريالدارىن تاراتۋدى كٷشەيتۋ تاپسىرىلدى.
تٶتەنشە جاعدايلار مينيسترلٸگٸ پروفيلاكتيكالىق جۇمىستاردى ٷيلەستٸرەدٸ. تيٸستٸ تاپسىرمالاردىڭ ورىندالۋىن باقىلاۋ قانات بوزىمباەۆقا جٷكتەلدٸ.
