قازاقستان رەسەيگە ەلەكتر ەنەرگيياسىن جەتكٸزٸپ جاتىر. ەنەرگەتيكا مينيسترٸ ەرلان اقكەنجەنوۆ الداعى قىسقى ماۋسىمدا ەلٸمٸزدٸڭ جىلۋ ەلەكتر ورتالىقتارى ەلەكتر ەنەرگيياسىنا تٷسەتٸن جٷكتەمەنٸڭ ارتۋىنا دايىن ەكەنٸن مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, بيىل ەلەكتر ەنەرگيياسىن تۇتىنۋدىڭ ەڭ جوعارى كٶرسەتكٸشٸ 3 پايىزعا ٶسٸپ, 18 200 مەگاۆاتقا جەتۋٸ مٷمكٸن.
«جىلۋ ەلەكتر ورتالىقتارى بۇل جٷكتەمەگە تٶتەپ بەرەدٸ. اپاتتىلىق دەڭگەيٸن تٶمەندەتٸپ, ستانتسييالاردىڭ جۇمىسىن جاقسارتۋ ٷشٸن كٶپ جۇمىس اتقاردىق. قازٸر بارلىق ستانتسييا شتاتتىق رەجيمدە جۇمىس ٸستەپ تۇر», – دەدٸ ەرلان اقكەنجەنوۆ.
سونداي-اق مينيستر قازاقستاننىڭ رەسەيگە ەكٸ كٷن قاتارىنان ەلەكتر ەنەرگيياسىن جەتكٸزگەنٸن ايتتى. ونىڭ سٶزٸنشە, الدىڭعى كٷنٸ ەكسپورت كٶلەمٸ 120 مەگاۆاتت بولسا, كەلەسٸ كٷنٸ شامامەن 70-80 مەگاۆاتتى قۇراعان.
«بۇل ەلٸمٸزدٸڭ كەشكٸ ۋاقىتتا ەلەكتر ەنەرگيياسىن تۇتىنۋ كٶلەمٸ شارىقتاۋ شەگٸنە جەتكەن كەزدە دە ٶز قاجەتتٸلٸگٸن قامتاماسىز ەتٸپ وتىرعانىن كٶرسەتەدٸ. قازاقستان ەلەكتر ەنەرگيياسىمەن ٶزٸن تولىق قامتاماسىز ەتۋگە جاقىنداپ كەلەدٸ», – دەدٸ مينيستر.
بۇدان بٶلەك, ەنەرگەتيكا مينيسترلٸگٸ 2027 جىلى ەلدە ەلەكتر ەنەرگيياسىنىڭ پروفيتسيتٸ 1,5 ملرد كيلوۆاتت-ساعات بولادى دەپ بولجاپ وتىر.
