Qazaqstanda qazan aiynda shekara aýmaǵynda 3 318 zań buzýshy ustaldy. Sonymen qatar shekara arqyly 2,1 mlrd teńgeniń taýaryn zańsyz alyp ótý áreketteriniń joly kesildi, dep habarlaidy dalanews.kz.
Ulttyq qaýipsizdik komitetiniń Shekara qyzmeti qazan aiyndaǵy jumysynyń qorytyndysyn jariialady.
Vedomstvo málimetinshe, bir aida shekara aýmaǵynda 3 318 quqyq buzýshy ustalǵan. Olardyń 2 791-i – shetel azamattary.
Sondai-aq shekara arqyly taýarlar men júkterdi zańsyz ótkizýge qatysty 1 267 derek anyqtalǵan. Zańsyz tasymaldanbaq bolǵan taýarlardyń jalpy quny 2,1 mlrd teńgege jetken.
Kaspii teńizinde brakonerlikpen kúres sharalary da júrgizilgen. Nátijesinde zańsyz balyq aýlaýdyń 119 deregi toqtatyldy.
– Brakonerler paidalanǵan 88 shaqyrym aýlaý quraly jáne jalpy salmaǵy 933 keli bolatyn 187 bekire tuqymdas balyq tárkilendi. Osylaisha 413 mln teńgeden astam shyǵynnyń aldyn aldyq, – dep málimdedi UQK baspasóz qyzmeti.
Qazirgi ýaqytta 47 qylmystyq quqyq buzýshylyq boiynsha tergeý amaldary júrgizilip jatyr.
Budan bólek, 3 021 ákimshilik is qaralýda. Olar boiynsha salynǵan aiyppuldardyń jalpy somasy 35 mln teńgeden asty.
